تۇركىستان وبلىسىندا جاڭا سۋ ۇنەمدەۋ تەحنولوگيالارى ەنگىزىلىپ جاتىر
ەلىمىزدەگى سۋ ۇنەمدەۋ تەحنولوگياسىن شىعاراتىن ەڭ العاشقى زاۋىت تۇركىستان وبلىسىندا ىسكە قوسىلدى. بيىل ەكىنشى زاۋىت جابدىقتالىپ، ءوز جۇمىسىن باستايدى، دەپحابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«BNK Group LTD» كومپانياسى امەريكالىق «Nelson Irrigation» كومپانياسىمەن بىرلەسىپ، اينالمالى جانە فرونتالدى ارەكەت ەتەتىن جاڭبىرلاتقىش ماشينالار ءوندىرىسىن ىسكە قوستى. وندىرىستىك تەحنيكا 3 مىڭ م2 مەتر اۋماققا ورنالاستىرىلدى.
«BNK Group LTD» جشس-نىڭ قۇنى 4،1 ملرد. تەڭگەنى قۇرايتىن «جىلىنا 1000 دانا جاڭبىرلاتىپ سۋعارۋ ماشينالارىن شىعارۋ» زاۋىتى تۇركىستان قالاسىندا ورنالاستى. وسى كاسىپورىننىڭ 50 مىڭ گەكتاردى، «تۇران سۋ» مەكەمەسىنىڭ جىلىنا 9 مىڭ گەكتاردى تامشىلاتىپ سۋعارۋ جۇيەسىن وندىرەتىن كاسىپورىندارى ماۋسىم ايىندا ىسكە قوسىلادى. «ينۆەستيسيالىق سۋبسيديا» باعدارلاماسى اياسىندا سۋ ۇنەمدەۋ تەحنولوگياسىن ەنگىزۋ شىعىنىنىڭ 50%-ىن وتەۋ، جەرگىلىكتى بيۋدجەت ەسەبىنەن وتەۋ ۇلەسىن قوسىمشا 30%-عا ۇلعايتۋ قاراستىرىلعان.
سۋ جيناۋعا مۇمكىندىك بەرەتىن ءبىرقاتار سۋ نىساندارىنىڭ قۇرىلىسى باستالىپ، پايدالانۋعا بەرىلدى. اتاپ ايتقاندا، «تۇركىستان ماگيسترالدى كانالىنىڭ» ۇزىندىعى 59 شاقىرىمى كۇردەلى جوندەۋدەن ءوتتى. سونىڭ ناتيجەسىندە 60 ملن تەكشە مەتر سۋ ۇنەمدەلدى. «كەڭساي-قوسقورعان-2» سۋ قويماسى سالىنىپ، 31 ملن تەكشە مەتر سۋ تۇركىستان قالاسى اۋماعىنا جەتكىزىلدى. بۇدان بولەك «بايدىبەك اتا» سۋ قويماسى سالىنىپ جاتىر. 68 ملن م3 سۋ سياتىن جوبانىڭ قۇنى 15،9 ملرد تەڭگە. كەلەسى جىلى «بورالداي» سۋ قويماسى قۇرىلىسىن باستاۋ كوزدەلگەن. 50 ملن م3 سۋ سياتىن سۋ قويماعا 13،8 ملرد تەڭگە قاجەت. اتالعان جوبالار قوسىمشا 113 ملن تەكشە مەتر سۋدى جيناۋعا مۇمكىندىك بەرەدى.
تۇركىستان وڭىرىندە سۋ شىعىنىن ازايتۋ تەحنولوگياسى 32 298 گەكتارعا ەنگىزىلدى. بيىل اۋىل شارۋاشىلىعى داقىلدارى 873 مىڭ گەكتارعا ەگىلدى. سۇرانىسقا بايلانىستى ءتۇسىمى جوعارى داقىلدارعا باسىمدىق بەرىلىپ وتىر. اتاپ ايتقاندا، ماساقتى، مالازىقتىق داقىلدار، كوكونىس، كارتوپ، باقشا داقىلدارى 3 مىڭ گەكتارعا ارتتى. ماقتا داقىلىن 11 مىڭ گەكتارعا، مايلى داقىلداردى 6 مىڭ گەكتارعا ازايدى.
تاجىريبە رەتىندە 3000 گەكتاردان استام القاپقا ماقتا جاڭا ادىسپەن ەگىلدى. بۇل تەحنولوگيا سۋ، ەنەرگيا، ەڭبەك رەسۋرسىن، مينەرالدى تىڭايتقىشتاردى ۇنەمدەي وتىرىپ، گەكتارىنان كەمىندە 60 سەنتنەردەن ءونىم الۋعا مۇمكىندىك بەرەدى. ءتۇسىم وبلىستىڭ ورتاشا كورسەتكىشىنەن 2،5 ەسەگە جوعارى. الداعى 5 جىلدا ماقتا 41،4 مىڭ گەكتارعا، كۇرىش 1،2 مىڭ گەكتارعا ازايىپ، جۇگەرى، بۇرشاقتى، مالازىقتىق داقىلدارعا الماستىرىلادى.
سۋ ۇنەمدەۋ تەحنولوگياسى وسىمدىككە قورەكتى تىكەلەي بەرىپ، سۋ مەن تىڭايتقىش شىعىنىن ايتارلىقتاي ازايتادى. شارۋا جۇمىسىن جەڭىلدەتىپ، ونىمدىلىكتى 2-3 ەسە ارتتىرادى.
