پيلوتتى جوبا تۇركىستان قالاسىنداعى № 1ا باعىتىنداعى قوعامدىق كولىكتەرگە ەنگىزىلەدى. بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە اقپاراتتاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ باسشىسى باستار ەسقارايەۆ ءمالىم ەتتى.
سونىمان قاتار، ءبىر ۋاقىتتا GPS ترەكەرى ارقىلى ەلەكتروندى بيلەت جۇيەسى ورناتىلاتىن بولادى.
– اتالعان پيلوتتىق جوبا اياقتالعان سوڭ قالعان بارلىق قالاىشىلىك باعىتتاعى 21 اۆتوبۋستى قامتۋ جوسپارلانۋدا. ال ەلەكتروندى بيلەت جۇيەسى ەنگىزىلگەن اۆتوبۋستاردىڭ جالپى سانى 270ء-تى قۇراماق. سونداي-اق، تۇركىستان قالاسىندا ينۆەستورلار ەسەبىنەن 1 «اقىلدى» ايالداما جانە 5 جارناما ستەلىن ورناتۋ جوبالانۋدا، – دەدى باستار اۋەلحان ۇلى.
بۇدان وزگە، اعىمداعى جىلدىڭ شىلدە ايىنان باستاپ وبلىس ورتالىعى تۇركىستان قالاسىندا مەملەكەتتىك-جەكەشەلىك ارىپتەستىك اياسىندا تۇراقتى تۇردە قوعامدىق ءتارتىپتىڭ ساقتالۋىن قامتاماسىز ەتۋگە باعىتتالعان 20 بەينەباقىلاۋ كامەرالارىن ورناتۋ كوزدەلۋدە. سونىمەن قاتار، كەنتاۋ قالاسىندا قوعامدىق ءتارتىپتىڭ ساقتالۋىن قامتاماسىز ەتۋشى 10 بەينەكامەرا جانە 2 ينتەللەكتۋالدى جول قيىلىسىن ورناتۋ جوسپارلانعان.
تۇركىستان وبلىسىندا سيفرلاندىرۋ جۇيەسىن دامىتا ءتۇسۋ ماقساتىندا ءبىلىم بەرۋ سالاسى بويىنشا پەداگوگيكالىق قۇرامدى جيناقتاۋ پروسەسى اۆتوماتتاندىرىلعان. وبلىس بويىنشا جۇمىس ىزدەۋ جانە جۇمىسسىزدىق پايىزىن تومەندەتىپ، قولجەتىمدىلىكتى جانە قولايلى جاعدايدى قامتاماسىز ەتۋ ءۇشىن «jumys.sitcen.kz» جۇيەسى ەنگىزىلىپتى.
بۇرىن پەداگوگيكالىق لاۋزىمعا ۇمىتكەرلەر مەن پەداگوگيكالىق جوعارى وقۋ ورىندارىنىڭ تۇلەكتەرى بوس ورىندار تۋرالى مالىمەت الۋ ءۇشىن ءار مەكتەپتى ارالاۋ قاجەت بولاتىن بولسا، ەلەكتروندى جۇيە ارقىلى ءوتىنىشتى ونلاين-رەجيمدە تاپسىرىپ، اشىق كونكۋرستىق ىرىكتەۋدەن دە وتۋىنە مۇمكىندىك بەرەدى
– بۇگىنگى تاڭدا جۇيەدە 2500-گە جۋىق پايدالانۋشىسا بولسا، وندا 500-گە تارتا بوس جۇمىس ورنى ورنالاستىرىلعان. ءقازىر جوبا ارقىلى 26 ءوتىنىش ءتۇسىپ وتىر. بۇدان وزگە، وبلىس بويىنشا 456 639 بالا سانىمەن 901 جالپى ءبىلىم بەرۋ مەكتەپتەرى بار. قازىرگى تاڭدا تۇركىستان وبلىسى بويىنشا مەكتەپتەرگە ءبىرىنشى سىنىپقا قابىلداۋ پروسەسىنىڭ اۆتوماتتاندىرىلعان mektep.sitcen.kz پورتالى ىسكە قوسىلدى، – دەدى باستار اۋەلحان ۇلى.
سونداي-اق، «مەكتەپكە دەيىنگى ءبىلىم بەرۋ مەكەمەلەرىنە كەزەككە قويۋ جانە جولداما بەرۋ» پروسەسىن اۆتوماتتاندىرۋ جۇيەسى 358 مەكەمەنى قامتىپ وتىر. باسقا اۋداندار مەن قالالاردا جۇمىستار جۇرگىزىلۋدە. اتالعان جۇيەلەر ءتۇرلى سىبايلاس جەمقورلىق تاۋەكەلدەرىن جويىپ، ازاماتتار ءۇشىن بارىنشا اشىق تۇردە جانە قولايلى بولۋىن قامتاماسىز ەتەدى.
– بۇگىنگى تاڭدا ورتا ءبىلىم بەرۋ سالالارىندا مەملەكەتتىك-جەكەمەنشىك ىنتىماقتاستىق اياسىندا «كۇندەلىك» ەلەكتروندى جۋرنالدار مەن كۇندەلىكتەردىڭ ءبىرىڭعاي اقپاراتتىق جۇيەسى» ەنگىزىلۋدە. ءقازىر 901 مەكتەپتىڭ 87 پايىزى جوباعا تىركەلىپ، جۇمىس جۇرگىزۋدە، – دەدى باستار ەسقارايەۆ.
اعىمداعى جىلى تۇركىستان وبلىسىندا سيفرلىق ءبىلىم بەرۋ رەسۋرستارىن ەنگىزۋ اياسىندا 1500 BilimBook نوۋتبۋكتارىن جانە 200-گە جۋىق ينتەراكتيۆتى پانەلدەرىن ساتىپ الىنىپ، ناتيجەسىندە وقۋشىلاردى كومپيۋتەردى قامتۋ دەڭگەيى ەداۋىر ارتاتىن بولادى.
جۇزدەسۋ كەزىندە اقپاراتتاندىرۋ سالاسىنىڭ ماماندارى تۇركىستان وبلىسىندا «DAMUMED» ءموبيلدى قوسىمشاسىنا 58933 پايدالانۋشى تىركەلگەنىن العا تارتتى. بۇل ءوڭىردىڭ بەلسەندى پايدالانۋشىلارىنىڭ 6،8 پايىزىن قۇرايدى. جالپى كورسەتكىشتى 30 پايىزعا جەتكىزۋ جوسپارلانعان. ونىڭ ايتۋىنشا، ءموبيلدى قوسىمشانىڭ كومەگىمەن دارىگەرگە 28 645 قابىلداۋعا جازىلۋ، 1 249 ۇيگە شاقىرتۋ، 5 032 جۇكتىلىگىنە بايلانىستى ەسەپكە تۇرۋ جانە 23138 رەت 5 جاسقا دەيىنگى بالالاردىڭ اتا-انالارىن تىركەۋ سىندى قىزمەتتەر پايدالانىلعان.
– وبلىسىمىزداعى 49 ەمحانادا دەنساۋلىق ساقتاۋ سالاسىندا كوپ قولدانىلاتىن دارىگەردى ۇيگە شاقىرتۋ، دارىگەردىڭ قابىلداۋىنا جازىلۋ، مەديسينالىق ۇيىمدارعا تىركەلۋ سىندى قىزمەتتەرگە قول جەتكىزە الاتىن مەديسينالىق اقپارات جۇيەسى ىسكە قوسىلدى. تۇركىستان وبلىسى بويىنشا قاعازسىز تەحنولوگيا 2018 جىلدىڭ 2 ساۋىرىنەن باستاپ ىسكە قوسىلدى. وبلىس بويىنشا مەديسينالىق قۇجاتتامانى قاعازسىز نەگىزدە جۇرگىزۋ 32 پايىزدى قۇراپ وتىر، – دەدى باستار اۋەلحان ۇلى.
جىلدىڭ سوڭىنا دەيىن دەنساۋلىق ساقتاۋ سالاسى بويىنشا 100 پايىز تەحنيكامەن قامتاماسىز ەتىپ، تولىعىمەن قاعازسىز قۇجات اينالىمىنا ءوتۋ جوسپارلانعان. سونداي-اق، ءموبيلدى قوسىمشاسىمەن تۇرعىنداردىڭ 30 پايىزىن قامتۋ كوزدەلىپ وتىر.
تۇركىستان وبلىسى اكىمىنىڭ باسپا ءسوز قىزمەتى
