تٷركٸستان وبلىسىندا وتشاشۋ اتامىن دەپ ەكٸ بالا جاراقات الدى, دەپ حابارلايدى Dalanews.kz قر وقۋ-اعارتۋ مينيسترلٸگٸنٸڭ بالالاردىڭ قۇقىقتارىن قورعاۋ كوميتەتٸنە سٸلتەمە جاساپ.
وقيعا سارىاعاش قالاسىندا جەكە تۇرعىن ٷيدٸڭ اۋلاسىندا بولعان. جاسٶسپٸرٸمدەر پيروتەحنيكالىق بۇيىمداردى ەرەسەكتەردٸڭ باقىلاۋىنسىز پايدالانعان.
ۆەدومستۆونىڭ مەلٸمەتٸنشە, پيروتەحنيكادان زارداپ شەككەن بالالاردىڭ جاعدايى تۇراقتى, ٶمٸرٸنە قاۋٸپ تٶنٸپ تۇرعان جوق. ولار اۋرۋحاناعا جەتكٸزٸلٸپ, قاجەتتٸ مەديتسينالىق كٶمەك كٶرسەتٸلۋدە.
وسىعان بايلانىستى بالالاردىڭ قۇقىقتارىن قورعاۋ كوميتەتٸ مەرەكە كٷندەرٸ قاۋٸپسٸزدٸك شارالارىن كٷشەيتۋ تۋرالى ەلدەگٸ بارلىق بٸلٸم بەرۋ ۇيىمدارىنا رەسمي حات جولداعان. سونىمەن قاتار ەلدٸ مەكەندەر اۋماعىندا پيروتەحنيكالىق بۇيىمداردى قولدانۋعا تىيىم سالىنعانى ەسكەرتٸلدٸ.
ايتا كەتەيٸك, ەگەر زاڭبۇزۋشىلىقتى 16 جاسقا تولماعان بالا جاساسا, جاۋاپكەرشٸلٸك اتا-اناسىنا جٷكتەلەدٸ. بۇل جاعدايدا 20 ايلىق ەسەپتٸك كٶرسەتكٸش مٶلشەرٸندە (78 640 تەڭگە) ايىپپۇل قاراستىرىلعان.
