تۇركىستان وبلىسىندا بالىق شارۋاشىلىعىن دامىتۋعا باسىمدىق بەرىلەدى، – دەپ حابارلايدى Dalanews.kz
تۇركىستاندا وبلىس اكىمى نۇرالحان كوشەروۆتىڭ توراعالىعىمەن جينالىس ءوتتى. وبلىس اكىمى بالىق شارۋاشىلىعىن دامىتىپ، ونىمدىلىك پەن ەسكپورتتىق الەۋەتتى ارتتىرۋ جونىندە ناقتى تاپسىرمالار بەردى.
— تۇركىستان وبلىسىندا بالىق شارۋاشىلىعىن دامىتۋ بويىنشا بەكىتىلگەن مەجەنى ورىنداۋ باعىتىندا بالىق ءوسىرۋ كولەمىن ارتتىرۋدى تاپسىرامىن. بۇل باعىتتا جۇمىستى شيراتىڭىزدار. بالىق ءونىمى كولەمىن ارتتىرۋعا مۇمكىندىك بار دەپ ويلايمىن. بالىق شارۋاشىلىعىمەن اينالىسامىن دەگەن كاسىپكەرلەرگە قولداۋ كورسەتىپ، قولايلى مۇمكىندىك ۇسىنىڭىزدار. بالىق شارۋاشىلىعىن جۇرگىزۋ ءۇشىن بەكىتىلىپ بەرىلگەن 104 سۋ ايدىنىن جانە بالىق وسىرۋمەن اينالىساتىن شارۋاشىلىقتاردى قايتادان تالداپ، زەردەلەڭىزدەر. جاۋاپتى باسقارما اۋدان، قالا اكىمدىكتەرىمەن بىرلەسە جۇمىس ىستەپ، شارۋاشىلىقتا وندىرىلگەن ءونىم كولەمىنىڭ ارتۋى قاداعالانۋى ءتيىس، – دەگەن نۇرالحان كوشەروۆ جاۋاپتى باسشىلارعا وسى سالانى دامىتۋ بويىنشا تىڭ ۇسىنىستار مەن جوبالاردى ازىرلەۋدى تاپسىردى.
وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى بولىسبەك شارىپبەكوۆتىڭ ايتۋىنشا، قازاقستان رەسپۋبليكاسى ۇكىمەتىنىڭ تاپسىرماسىنا سايكەس 2030 جىلعا دەيىن تۇركىستان وبلىسى بويىنشا تاۋارلى بالىق ءوسىرۋ كولەمىن 20 مىڭ تونناعا، ال بيىل 7467 تونناعا جەتكىزۋ جوسپارلانعان. قازىرگى تاڭدا، بالىق وسىرۋمەن اينالىساتىن شارۋاشىلىقتاردىڭ سانى 245-كە جەتىپ، ونىڭ 164ء-ى وبلىسارالىق باسسەيىندىك بالىق شارۋاشىلىعى ينسپەكسياسىمەن زاڭداستىرىلعان. بۇگىندە 4 ايدىڭ قورىتىندىسىمەن 176 توننا كاسىپشىلىك بالىق اۋلاۋعا رۇقسات بەرىلىپ، مەملەكەتتىك بيۋدجەتكە 5،7 ملن. تەڭگە ءتۇسىم ءتۇستى.
ەلىمىزدە جاساندى بالىق وسىرۋدەن تۇركىستان وبلىسى كوش باستاپ تۇر. وبلىس اكىمىنىڭ تاپسىرماسىن ىسكە اسىرۋ ماقساتىندا 2025-2027 جىلدارعا ارنالعان بالىق شارۋاشىلىعىن دامىتۋ جوسپارى بەكىتىلىپ، 905 توننا بالىق ءوندىرىلدى. بەكىتىلگەن جوسپارعا سايكەس، بيىل وبلىس اۋماعىنان 16 بالىق ءوسىرۋ شارۋاشىلىقتارىن اشۋ كوزدەلىپ وتىر.
سونىمەن قاتار وبلىستا ەكسپورتقا باعىتتالعان 4 ءىرى كاسىپورىن جۇمىس ىستەيدى. جىل باسىنان بەرى 1069،5 توننا بالىق ونىمدەرى شەت مەملەكەتتەرگە ەكسپورتتالدى. بۇگىندە بالىق شارۋاشىلىعىن دامىتۋعا مەملەكەتتىك قولداۋلار قاراستىرىلعان. اتاپ ايتساق، وبلىستىق بيۋدجەتتەن اكۆاوسىرۋدى سۋبسيديالاۋ ءۇشىن 2025 جىلعا 500،0 ملن تەڭگە ءبولىنىپ، 4 مىڭ 586 توننا بالىق ازىعى، 500 مىڭ بالىق شاباعى، 4 دانا بيولوگيالىق عىلىمي نەگىزدەمەلەر سۋبسيديالاندى. ال رەسپۋبليكالىق بيۋدجەتتەن ينۆەستيسيالىق سالىمدار كەزىندە بالىق شارۋاشىلىعى سۋبەكتىسى شەككەن شىعىستاردىڭ ءبىر بولىگىن سۋبسيديالاۋعا 120 ملن. 500 مىڭ تەڭگە ءبولىنىپ، 3،2 ملن. تەڭگەسى يگەرىلدى.
ودان بولەك، «اۋىل اماناتى» باعدارلاماسىنا رەسپۋبليكالىق بيۋدجەتتەن 7،4 ملرد. تەڭگە جانە قايتارىم قاراجاتىنان 1،3 ملرد. جوسپارلانعان. اتالعان باعدارلامانىڭ IV باعىتىنا سايكەس، بالىق شارۋاشىلىعىن دامىتۋ كوزدەلىپ، 2025 جىلعا 71 جوباعا 698 ملن تەڭگە قاراستىرىلۋدا.
