تٷركٸستان وبلىسى ەكٸمٸنٸڭ ورىنباسارى نۇربول تۇراشبەكوۆ كەلەس اۋدانىندا كەزەكتٸ شتاب وتىرىسىن ٶتكٸزٸپ, ماروككو شەگٸرتكەسٸنە قارسى حيمييالىق ٶڭدەۋ بارىسىن سارالادى,- دەپ حابارلايدى Dalanews.kz
كٷن تەرتٸبٸنە سەيكەس, سەكتورلارعا بەكٸتٸلگەن باقىلاۋشىلار سٶز الىپ, باقىلاۋ نەتيجەسٸن باياندادى. جيىندا ماماندار تاعى 40 مىڭ گا جەر دەرٸلەنۋٸ تيٸس ەكەنٸن ايتتى.
ارىس قالاسىنا تيەسٸلٸ 6-7 سەكتوردا دەرٸلەۋ جالعاسۋدا, 12-سەكتورعا قوسىمشا 4 تەحنيكا جەتكٸزٸلگەن. قوجاتوعاي مەن بايتوعايدىڭ اراسىن زەردەلەۋ بارىسىندا كەي ايماقتارداعى شەگٸرتكەلەردٸڭ ەكونوميكالىق زيياندى شەگٸنە جەتپەيتٸنٸ انىقتالدى. نەتيجەسٸندە ۇشاقپەن دەرٸلەۋ ۇسىنىلدى. ارىس قالاسىنىڭ ەكٸمٸ قايسار ماڭقاراەۆ قوسىمشا قاجەتتٸ تەحنيكالار ۇيىمداستىرىلاتىنىن, حيمييالىق ٶڭدەۋدٸ مەرزٸمٸندە اياقتاۋعا كٷش سالىناتىنىن مەلٸمدەدٸ.
سونىمەن قاتار 29, 30, 34-سەكتورلاردا جۇمىس قارقىنىن ارتتىرۋ جايى قوزعالدى. شاردارا اۋدانىمەن شەكارالاس القاپتارعا باقىلاۋدى كٷشەيتٸپ, شەگٸرتكەلەردٸڭ ەرەسەك كەزەڭٸنە ٶتۋٸنە بايلانىستى دەرٸ مٶلشەرٸن ارتتىرۋ مەسەلەسٸ كٶتەرٸلدٸ. 23-28 سەكتور ارالىعىندا مەسەلە جوق, انىقتاۋشىلار قايتا باقىلاۋعا كٸرٸسكەن. كەلەس اۋدانىنىڭ ەكٸمٸ جەنٸبەك اعىباەۆ مامىر ايىنىڭ العاشقى ون كٷنٸندە نەگٸزگٸ جۇمىس اۋقىمى اياقتالىپ, ايماقتار تازالاناتىنىن جەتكٸزدٸ.
"52-سەكتوردا تەحنيكالار جۇمىس اتقارۋدا, بٷگٸن دروندار اۋا-رايىنىڭ قولايسىزدىعىنان ۇشىرىلماعان. ەلٸمتاۋعا قاجەتتٸ تەحنيكا جەتكٸزٸلگەن 500 گا دەرٸلەنسە, القاپتاردى تازالاۋدى باستايمىز",- دەدٸ جاۋاپتىلار.
سارىاعاش اۋدانىنىڭ ەكٸمٸ ارمان ابدۋللاەۆ جۇمىس بارىسىندا تۋىنداعان مەسەلەلەردٸ جەكە قاداعالايتىنىن, تيٸستٸ شارالاردىڭ مەرزٸمٸندە اتقارىلۋىن ۇيىمداستىرىپ, اۋداندارمەن شەكتەسەتٸن القاپتارعا قاداعالۋدى كٷشەيتەتٸنٸن ايتتى. اۋدان باسشىسى حيمييالىق ٶڭدەۋ جوسپارعا سەيكەس اياقتالاتىنىن مەلٸمدەدٸ.
نۇربول تۇراشبەكوۆ جۇمىسى اياقتالعان سەكتور تەحنيكالارىن قاۋٸپتٸ ايماقتارعا جۇمىلدىرۋدى تاپسىرىپ, حيمييالىق پرەپاراتتار مەن جانار-جاعارماي قورىن كٷندەلٸكتٸ تەكسەرۋدٸ ەسكەرتتٸ.
"ەرٸپتەستەر, جۇمىستىڭ كٶبٸ كەتٸپ, ازى قالدى. بٸراق, بوساڭسۋعا بولمايدى. بارلىق مٷمكٸندٸكتٸ قولدانىپ, اسقان جاۋاپكەرشٸلٸكپەن بۇل ناۋقاندى ابىرويمەن ٶتكەرۋٸمٸز قاجەت. بٷگٸن ەل بٸزگە قاراپ وتىر, ال بٸز ەرتەڭ جەرگە قاراماۋدىڭ ەرەكەتٸن جاسايىق", - دەدٸ وبلىس ەكٸمٸنٸڭ ورىنباسارى.
