تۇركىستان وبلىسىندا 2،8 ملرد تەڭگە بيۋدجەت قاراجاتى جىمقىرىلعان

كوركەم الدابەرگەنوۆا 05 ماۋ. 2024 12:18 1311

تۇركىستان وبلىسىندا بيۋدجەت قاراجاتى جىمقىرىلعان، - دەپ حابارلايدى Dalanews.kz.

تۇركىستان وبلىسىنىڭ پروكۋراتۋراسى ءبىلىم بەرۋ مەكەمەلەرىن تەكسەرۋ بارىسىندا كوپتەگەن زاڭ تالاپتارىن بۇزۋ جانە بيۋدجەت قاراجاتىن جىمقىرۋدى انىقتاعان.

اتاپ ايتقاندا جەتىساي اۋدانىنىڭ پروكۋرورلارى اۋداندىق ءبىلىم ءبولىمىنىڭ بۋحگالتەرلەرىمەن 2،8 ملرد تەڭگە بيۋدجەت قاراجاتىن جىمقىرۋ فاكتىسىن انىقتادى.

وسى فاكتى بويىنشا قۇجاتتار سدتبت-عا ق ر قىلمىستىق كودەكستىڭ 189-بابىمەن تىركەلىپ، (سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) تەرگەۋ تۇركىستان وبلىسى پروكۋراتۋراسىنىڭ ارنايى پروكۋرورلارىمەن جۇرگىزىلۋدە.

بۇگىنگى كۇنگە پروكۋراتۋرانىڭ قابىلداعان شارالارى ناتيجەسىندە مەملەكەت بيۋدجەتىنە 309 ملن تەڭگە قايتارىلدى.

تەكسەرۋلەر جالعاسۋدا جانە ءجىتى باقىلاۋدا.


ۇسىنىلعان
سوڭعى جاڭالىقتار