تٷركٸستان وبلىسىندا سوڭعى ٷش جىلدا 1 ميلليون گەكتارعا جۋىق جەر مەملەكەت مەنشٸگٸنە قايتارىلدى,- دەپ حابارلايدى Dalanews.kz
اتاپ ايتقاندا, 2022 جىلى 520 مىڭ گەكتاردان استام, 2023 جىلى 330 مىڭ گەكتاردان استام, ال 2024 جىلدىڭ ٶزٸندە 70 مىڭ گەكتاردان استام اۋىل شارۋاشىلىعى ماقساتىنداعى جەر قايتارىلعان. بيىل جىل سوڭىنا دەيٸن قوسىمشا 110 مىڭ گەكتار جەر ۋچاسكەسٸن مەملەكەتكە قايتارۋ جوسپارلانىپ وتىر. بٷگٸنگٸ كٷنگە ونىڭ 60,1 مىڭ گەكتارى قايتارىلدى. بۇل جەرلەر كەزٸندە اۋىل شارۋاشىلىعى ماقساتىندا جەكە تۇلعالارعا بەرٸلگەنٸمەن, جىلدار بويى پايدالانىلماعانى انىقتالعان.
تٷركٸستان وبلىسىندا ورتاق جايىلىم جەرلەردٸ مەملەكەت مەنشٸگٸنە قايتارۋ جۇمىستارى قارقىندى جٷرگٸزٸلۋدە. بۇل مەسەلە وبلىس ەكٸمٸنٸڭ اپپاراتىندا ٶتكەن اپتالىق مەجٸلٸستە تالقىلاندى. اتالعان جۇمىس قازاقستان رەسپۋبليكاسى پرەزيدەنتٸ قاسىم-جومارت توقاەۆتىڭ 2024 جىلعى 2 قىركٷيەكتەگٸ جولداۋىندا بەرٸلگەن تاپسىرماسىنا سەيكەس جٷزەگە اسىرىلىپ جاتىر. جولداۋدا پايدالانىلماي جاتقان جەرلەردٸ قايتارىپ, ولاردى ادال ەرٸ تيٸمدٸ پايدالاناتىن ازاماتتارعا بەرۋ مٸندەتٸ قويىلعان بولاتىن. وسىعان وراي, جەرگٸلٸكتٸ اتقارۋشى ورگاندار مەن قۇزىرلى ورگاندار بوس جاتقان جەرلەردٸ قايتارىپ, ولاردى ەدٸل بٶلۋ جۇمىسىن جالعاستىرۋدا. بۇل شارا اۋىل شارۋاشىلىعىن دامىتۋ مەن جەر رەسۋرستارىن تيٸمدٸ پايدالانۋ ماقساتىندا قولعا الىنعان.
وبلىستىق جەر قاتىناستارى باسقارماسىنىڭ باسشىسى ەرعالي تٸلەگەننٸڭ ايتۋىنشا, ٶڭٸردٸڭ جالپى جەر قورى – 11 ملن 610,3 مىڭ گەكتار. قازٸرگٸ تاڭدا پايدالانىلماي جاتقان اۋىل شارۋاشىلىعى ماقساتىنداعى جەرلەردٸ جەنە قازاقستان رەسپۋبليكاسىنىڭ زاڭناماسىن بۇزا وتىرىپ پايدالانىلىپ جاتقان جەر تەلٸمدەرٸن مەملەكەت مەنشٸگٸنە قايتارۋ ماقساتىندا وبلىس ەكٸمٸنٸڭ ٶكٸمٸمەن ۆەدومستۆوارالىق جۇمىس توبى قۇرىلعان.
تٷركٸستان وبلىسى بويىنشا اۋىل شارۋاشىلىعى ماقساتىنداعى جەرلەردٸ مەملەكەتكە قايتارۋ ەكٸ باعىتتا جٷزەگە اسىرىلىپ جاتىر. بٸرٸنشٸ باعىت – اۋىل شارۋاشىلىعى مينيسترلٸگٸ بەكٸتكەن جوسپار اياسىندا جٷرگٸزٸلسە, ەكٸنشٸ باعىت جۇمىس توبى انىقتاعان ورتاق جايىلىمداردى قايتارۋ جوسپارى بويىنشا ٸسكە اسۋدا.
جيىن بارىسىندا تٷركٸستان وبلىسىنىڭ ەكٸمٸ نۇرالحان كٶشەروۆ جايىلىم جەرلەردٸ مەملەكەتكە قايتارۋ جۇمىستارىن كٷشەيتۋدٸ تاپسىردى. ول جاۋاپتى ورگاندارعا جٷيەلٸ مونيتورينگ جٷرگٸزٸپ, جىلدىق جوسپاردىڭ تولىق ورىندالۋىن قامتاماسىز ەتۋدٸ مٸندەتتەدٸ.
– مەملەكەت باسشىسى ورتاق جايىلىمداردى ەل يگٸلٸگٸنە قايتارۋ جٶنٸندە ناقتى تاپسىرما بەردٸ. اۋدان, قالا ەكٸمدەرٸ, جاۋاپتى باسقارمالار مەن دەپارتامەنتتەر وسى باعىتتاعى جۇمىستى كٷشەيتسٸن. ماقساتسىز پايدالانىلىپ جاتقان جەرلەردٸ قايتارۋ ٸسٸ جٷيەلٸ جٷرگٸزٸلۋٸ كەرەك. كوسمومونيتورينگ نەتيجەلەرٸن ەسكەرٸپ, تەرەڭ تالداۋ جاساعان جٶن. مونيتورينگ, زەردەلەۋ جۇمىستارى توقتاماۋ كەرەك جەنە جىلدىق جوسپاردىڭ تولىق ورىندالۋى تيٸس, – دەدٸ نۇرالحان كٶشەروۆ.
قازٸرگٸ تاڭدا جەر رەسۋرستارىن باسقارۋ دەپارتامەنتٸ تاراپىنان 403 جەر پايدالانۋشىعا تيەسٸلٸ 124,3 مىڭ گەكتار جايىلىم جەرگە قاتىستى قۇجاتتار قارالىپ, نۇسقامالار جولدانۋدا. سونىمەن قاتار اۋدان جەنە قالا ەكٸمدٸكتەرٸ بەكٸتكەن جوسپارلار اۋىلدىق وكرۋگتەر كەسٸندٸسٸندە ەزٸرلەنٸپ, بەكٸتٸلگەن. قايتارىلعان جايىلىم جەرلەردٸڭ كارتا-سىزبالارى دايىندالدى.
