بۇگىندە تۇركىستان وبلىسىندا جەتەكشى پارتيا اتىنان 320 دەپۋتاتتىق مانداتتىق ورىنعا 631 ادامنان تۇراتىن پارتيالىق ءتىزىم جاساقتالعان. ونىڭ 31% ايەلدەر بولسا، 21% – 35 جاسقا دەيىنگى جاستار. 7 ۇمىتكەر ماجىلىسكە، 83 ازامات وبلىستىق ءماسليحات دەپۋتاتتىعىنا، 548 ۇمىتكەر اۋداندىق، قالالىق ءماسليحاتتارعا كانديدات بولىپ تىركەلدى. پارتيالىق ءتىزىمى 74%-عا جاڭارىپ، كانديداتتاردىڭ ورتاشا جاسى 40-تى قۇراعان.
– تۇركىستان وبلىسىندا 1 ميلليون 163 مىڭ سايلاۋشى بار. ولار 911 سايلاۋ ۋچاسكەگە بىرىكتىرىلگەن بولسا، وعان پارتيا اتىنان سەنىم بىلدىرىلگەن 2733 باقىلاۋشى بەكىتىلدى. ميلليونعا جۋىق سايلاۋشىنى قامتيتىن، 4400-گە جۋىق ءىس-شارانىڭ جەلىلىك كەستەسى جاساقتالدى. بۇگىنگى تاڭعا 800 مىڭداي سايلاۋشىنى قامتيتىن 3928 ءىس-شارا وتكىزىلىپ، اقپاراتتىق جۇمىس جۇرگىزىلدى. ونىڭ 40%-ى ونلاين فورماتتا وتكىزىلدى. تۇركىستان وبلىسىنىڭ بارلىق ەلدى مەكەندەرىندە سايلاۋالدى باعدارلاما تانىستىرىلدى. وبلىستىڭ بارلىق اۋدان، قالالارىنىڭ كورنەكى تۇستارىندا 103 بيلبورد ءىلىندى. ۇگىت-ناسيحات كەزەڭىندە ۇگىت ماتەريالدارىن تاراتاتىن 1009 ادامنان تۇراتىن ۆولونتەرلار توبى جۇمىسقا الىنىپ، ناسيحات جۇرگىزۋدە. ولاردىڭ 495ء-ى پارتيا قاتارىنا قابىلداندى. ۇگىت كەزەڭىنىڭ ءۇش تولقىنىندا 568 858 ۇگىت-ناسيحات قۇرالدارى تاراتىلدى. «Jas Otan» جاستار قاناتىنىڭ بەلسەندىلەرى مەن كانديداتتاردىڭ قاتىسۋىمەن «ەسىكتەن – ەسىككە» اكسياسى اياسىندا 220 مىڭعا جۋىق ۇيگە ناسيحات جۇرگىزىلدى»، – دەگەن ب.تاجىبايەۆ بارشا كانديداتتىڭ ەلمەن كەزدەسۋگە بەلسەنە اتسالىسقانىن جەتكىزدى.
ماجىلىسكە، وبلىستىق، اۋداندىق ءماسليحاتقا ۇمىتكەر 630 ازامات الەۋمەتتىك جەلىلەردە اككاۋنتتارىن جانداندىرىپ، سايلاۋالدى باعدارلامانى ناسيحاتتاعان.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
(ماتەريال اقىسى تۇركىستان وبلىسىنداعى «Nur Otan» پارتياسىنىڭ سايلاۋ قورىنىڭ قاراجاتىنان تولەندى)
