اتالعان جۇمىسشى توپتىڭ قۇرامىنا وبلىستىق ءماسليحات دەپۋتاتتارى، بايلانىس وپەراتورلارى، جاۋاپتى باسقارما وكىلدەرى ەنىپ، كەشە ەكىنشى وتىرىسىن وتكىزدى. جيىندى «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ جۇرگىزىپ وتىردى. ماقسات – پروبلەمالاردى ايقىنداپ، شەشۋ جولىن قاراستىرۋ، ءتيىستى باسقارما مەن جاۋاپى مەكەمەلەرگە ۇسىنىس بەرۋ.
جيىندا تۇركىستان وبلىسىنىڭ سيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسى باسشىسى ورىنباسارى ەرلان يانابايەۆتىڭ حابارلاماسى تىڭدالدى. ونىڭ ايتۋىنشا، وبلىستاعى 838 ەلدى مەكەننىڭ 481-ىندە، ياعني، 57،3 پايىزىندا 3G جانە 4G ءموبيلدى ينتەرنەتتەرى بار. 206 اۋىلدىق ەلدى مەكەن 2G جۇيەسىنە قاناعات بىلدىرسە، 151 اۋىلدا (18،1%) ءموبيلدى بايلانىس بولماي تۇر. وبلىستاعى 6596 شاقىرىمعا جەتەتىن رەسپۋبليكالىق، وبلىستىق، اۋداندىق جانە قالالىق ماڭىزى بار اۆتوجولداردىڭ 3400 شاقىرىمىندا ۇيالى بايلانىس ناشار جانە جوق.
– وبلىس اۋماعىندا ۇيالى بايلانىس وپەراتورلارى ۇسىناتىن قىزمەتتەر ءوڭىر حالقىنىڭ قاجەتتىلىكتەرىنە جاۋاپ بەرمەيدى. ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەن بايلانىس وپەراتورلارى اراسىنداعى مەموراندۋم شەڭبەرىندە 2020 جىلدىڭ سوڭىنا دەيىن «كسەلل» اكسيونەرلىك قوعامى تاراپىنان 250-دەن استام تۇرعىندارى بار 80 اۋىلدىق ەلدى-مەكەندەردى 3G نەمەسە 4G ستاندارتىمەن موبيلدىك ينتەرنەتپەن قامتاماسىز ەتۋ جۇكتەلگەن بولاتىن. الايدا 58 ەلدى مەكەن عانا ءموبيلدى كەڭ جولاقتى قولجەتىمدىلىكپەن قامتىلدى، – دەگەن ول اۋىل تۇرعىندارىنا موبيلدىك ينتەرنەتتەن بولەك جوعارى جىلدامدىقتى ينتەرنەتپەن قامتاماسىز ەتۋ ماقساتىندا قولعا الىنعان جۇمىستاردى باياندادى. قازاقستاندا العاشقى بولىپ ءبىزدىڭ وبلىستا «قازاقتەلەكوم» جانە «ترانستەلەكوم» اكسيونەرلىك قوعامدارى تاراپىنان مەملەكەتتىك-جەكەشەلىك ارىپتەستىك جوباسى بويىنشا تالشىقتى-وپتيكانى پايدالانۋ جوباسى ىسكە اسىرىلا باستاعان.
تەلەكوممۋنيكاسيالار كوميتەتىنىڭ شىمكەنت قالاسى جانە جامبىل، تۇركىستان، قىزىلوردا وبلىستارى بويىنشا ءوڭىرارالىق بايلانىس ينسپەكسياسىنىڭ باسشىسى ەرجان توقتاعۇلوۆ پەن وزگە دە جاۋاپتى مەكەمە وكىلدەرىنىڭ حابارلامالارى تىڭدالدى. وبلىستىق ءماسليحات دەپۋتاتتارى تۇرعىندار ساپالى ينتەرنەتكە مۇقتاج بولىپ وتىرعانىن ايتىپ، ماسەلەنى جەدەل شەشۋ كەرەكتىگىن جەتكىزدى.
جيىن قورتىندىسى بويىنشا فراكسيا مۇشەلەرى مەن بايلانىس سالاسىنا جاۋاپتى مەكەمە وكىلدەرىنەن قۇرالعان جۇمىسشى توپ تۇلكىباس اۋدانىنداعى ساستوبە كەنتى مەن كەلتەماشات اۋىل وكرۋگىندە بولىپ، ۇيالى بايلانىس ساپاسىن تەكسەرۋدەن وتكىزدى. ەندى جۇمىسشى توپ بەكىتىلگەن جوسپارعا ساي وبلىستاعى 30-عا جۋىق ەلدى مەكەنگە بارىپ، بايلانىستىڭ ساپاسىن تەكسەرەدى.
«Nur Otan» پارتياسى تۇركىستان وبلىستىق ءماسليحاتىنداعى فراكسياسى ينتەرنەتپەن قامتۋمەن قاتار وڭىردەگى كارەرلەردى زاڭسىز پايدالانۋشىلاردان قورعاۋ ماسەلەسىن دە باقىلاۋعا العان بولاتىن. وبلىس اۋماعىندا كەڭ تارالعان پايدالى قازبالاردى وندىرۋگە جالپى 110 كەلىسىمشارت جانە 38 ليسەنزيا بەرىلگەن. وبلىستىق ينۆەستيسيا جانە ەكسپورت باسقارماسى زاڭسىز جەر قويناۋىن پايدالانۋ فاكتىلەرىن بولدىرماۋ جانە الدىن-الۋ ماقساتىندا كەلىسىمشارت، ليسەنزيا اۋماقتارىنا زەردەلەۋ جۇمىستارىن جۇرگىزگەن. ناتيجەسىندە، وبلىس اۋماعىندا جالپى كەلىسىمشارت مىندەتتەمەلەرىن تولىق ورىنداماعانى ءۇشىن 18 كەلىسىمشارت جانە 4 ليسەنزيانىڭ كۇشى مەرزىمىنەن بۇرىن توقتاتىلعان.
وبلىستىق جانە اۋداندىق ءماسليحات دەپۋتاتتارى قۇزىرلى وكىلدەرىمەن بىرلەسىپ، بىرنەشە اۋدان، قالادا كارەرلەرگە مونيتورينگ جۇرگىزدى. ول جۇمىستار جالعاسادى. انىقتالعان قۇقىقبۇزۋشىلىقتار بويىنشا قۇقىق قورعاۋ ورگاندارىنا ۇسىنىس بەرىلىپ، ءتيىستى شەشىمدەر قابىلدانادى.
