تۇركىستان وبلىستىق قوعامدىق دامۋ باسقارماسىنىڭ ۇيىمداستىرۋىمەن «بايشەشەك» لاگەرىندە «جاستار ەرىكتىلىك باسقارۋ» تاقىرىبىندا ەكى كۇندىك وقۋ لاگەرى ءوتتى.

شارا – بيىلعى «جاستار جىلىن» قورىتىندىلاۋ جانە ق ر پرەزيدەنتى قاسىم-جومارت توقايەۆتىڭ باستاماسىمەن جاريالانعان 2020 جىل – «ەرىكتىلەر جىلىن» قولداۋ اياسىندا وتكىزىلدى.

وقۋ لاگەرىنە تۇركىستان وبلىسىنىڭ بارلىق اۋدان، قالالارىنداعى كوللەدج جانە ۋنيۆەرسيتەتتەردىڭ ستۋدەنتتەرى، سونىڭ ىشىندە 200- گە جۋىق ەرىكتىلەر ۇيىمدارىنىڭ كوشباسشىلارى جينالدى.

ءىس-شارا بارىسىندا جاستار ەرىكتىلىك پەن جوبالاردى باسقارۋ، كوماندادا جۇمىس جاساي ءبىلۋ جانە كوشباسشىلىق قابىلەتتەرىن دامىتۋ ، ەرىكتى جاستار ۇيىمىنىڭ جۇمىسىن وڭتايلى جۇرگىزۋ سياقتى باعىتتار بويىنشا قىزىقتى ءدارىس الدى.

ترەنينگكە ارنايى تۇركيادان جەكە تۇلعا رەتىندە ءوسۋ جونىندەگى حالىقارالىق ترەنەر-كوۋچ ارسلان رامازانوۆ، شىمكەنت قالاسىنان ەكونوميكا عىلىمدارىنىڭ كانديداتى، دوسەنت دىنمۇحامەد جاقىپبەكوۆ، نۇر-سۇلتان قالاسىنان اقپارات جانە قوعامدىق دامۋ كوميتەتىنىڭ جوبالىق مەنەدجەرى - ليۋدميلا بۋرلاچەنكو كەلىپ، جاستاردىڭ بىلىكتىلىگىن شىڭدادى. «جاستار ەرىكتىلىك باسقارۋ» ترەنينگى جاستارمەن جۇمىستىڭ جاڭا باعىتىن ايقىنداپ بەردى.

 

تۇركىستان وبلىستىق وڭىرلىك كوممۋنيكاسيا قىزمەتى