– وزدەرىڭىز بىلەتىندەي، ق ر تۇڭعىش پرەزيدەنتى، ەلباسى ن. نازاربايەۆتىڭ جارلىعىمەن تۇركىستان قالاسىنىڭ وبلىس ورتالىعى بولعانىنا نەبارى ءبىر جىلدان اسا ۋاقىت ءوتتى. ەجەلگى تۇركى الەمىنىڭ تالبەسىگى – تۇركىستان ەلباسىنىڭ ستراتەگيالىق ماڭىزى زور شەشىمىنەن كەيىن دامۋدىڭ جاڭا ساتىسىنا كوتەرىلدى.
بۇگىندە 2 ميلليوننان استام تۇرعىنى بار ءوڭىردىڭ تىنىس-تىرشىلىگى جاڭاشا قالىپقا ەنىپ، وبلىس ورتالىعى – تۇركىستان الىپ قۇرىلىس الاڭىنا اينالدى، – دەگەن ءوڭىر باسشىسى قۇرىلىس جۇمىسى تالاپقا ساي ءجۇرىپ جاتقانىن جەتكىزدى.
ءقازىر كونە شاھاردا ءوڭىر اكىمدىكتەرى، ۇلتتىق كومپانيالار جانە بيزنەس وكىلدەرى تاراپىنان 26 نىساننىڭ قۇرىلىسى جۇرگىزىلۋدە.
اكىمشىلىك-ىسكەرلىك ورتالىعىندا وبلىس اكىمدىگىنىڭ، باسقارمالار عيماراتتارى مەن كونگرەسس-حولل جانە مەدياورتالىقتىڭ، نۇر-سۇلتان الاڭى، ق.ا.ياسساۋي مۇراجايى، وقۋشىلار سارايى، ستاديون، مۋزىكالىق مەكتەپ پەن سيفرلىق كەڭسە، باسسەينى بار سپورت كەشەنى، سمارت-سيتي بايلانىس جەلىلەرى، وليمپيادالىق رەزەرۆتەگى سپورت مەكتەبى مەن قالالىق ساياباق، تۋريزم باعىتىنداعى كوللەدج جانە حالىققا قىزمەت كورسەتۋ ورتالىعى بوي كوتەرۋدە. بيىل 11 نىسان پايدالانۋعا بەرىلەدى دەپ جوسپارلانعان.
ال اكىمشىلىك-ىسكەرلىك ورتالىقتا جالپى 2351 پاتەرلىك 52 تۇرعىن ءۇي جىل سوڭىنا دەيىن پايدالانۋعا بەرىلەدى. قاراشا ايىندا 205 پاتەردى قۇرايتىن 7 ءۇيدىڭ قۇرىلىسى اياقتالادى. جوسپار بويىنشا قالعان 610 پاتەرلىك 19 ءۇي جىل سوڭىنا دەيىن پايدالانۋعا بەرىلۋى ءتيىس.
تۇركىستان وبلىسى اكىمىنىڭ باسپا ءسوز قىزمەتى
