مەملەكەت باسشىسىنىڭ تاپسىرماسىنا سايكەس، اعىمداعى جىلى قازاقستان رەسپۋبليكاسى «سۋ رەسۋرستارىن باسقارۋ جۇيەسىن دامىتۋدىڭ 2024–2030 جىلدارعا ارنالعان تۇجىرىمداماسى» قابىلداندى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇگىنگى تاڭدا، وبلىستا 50 مىڭ گەكتارعا سۋ ۇنەمدەۋ تەحنولوگيالارى ورنالاستىرىلدى. Cۋ ۇنەمدەۋ تەحنولوگيالارى ءوندىرىسىن دامىتۋ ماقساتىندا جەرگىلىكتى 3 كاسىپورىن ىسكە قوسىلدى. كاسىپورىنداردىڭ جىلدىق قۋاتتىلىعى 73،0 مىڭ گەكتار القاپتى قامتيدى. وبلىستا 552 مىڭ گەكتار سۋارمالى جەر بار، بۇل رەسپۋبليكالىق كورسەتكىشتىڭ تورتتەن ءبىر بولىگى.
وسى تۇرعىدا، وڭىردە سۋ نىساندارى ينفراقۇرىلىمىن دامىتۋ بۇگىنگى كۇننىڭ ەڭ وزەكتى ماسەلەسى بولىپ تابىلادى. وبلىستا ۇزىندىعى 12 731 شاقىرىمدى قۇرايتىن 4180 كانال، 42 سۋ قويمالارى، 1 256 قاشىرتقى، 1 794 ۇڭعىما بار. سۋ نىساندارىن سالۋ، قالپىنا كەلتىرۋ جۇمىستارىن جەدەلدەتۋ ءۇشىن، وبلىستىق «تۇران سۋ» كوممۋنالدىق مەكەمەسىنىڭ الەۋەتىن ءتيىمدى پايدالانۋ قولعا الىندى. مەكەمە تاراپىنان، وبلىستىق مەنشىكتەگى قاشىرتقىلاردى مەحانيكالىق تازالاۋ ناتيجەسىندە توزۋ كورسەتكىشى 80 %-دان 10 %-عا تومەندەدى.
اعىمداعى جىلى وبلىستىق بيۋدجەتتەن 9 سۋ نىسانىن كۇردەلى جوندەۋگە، 6 سۋ نىسانىن مەحانيكالىق تازالاۋعا قارجى ءبولىندى. ناتيجەسىندە 42،4 مىڭ گا سۋارمالى جەرلەردىڭ مەليوراتيۆتىك جاعدايى جانە اعىن سۋمەن قامتاماسىز ەتىلۋى جاقساراتىن بولادى. وبلىس اكىمىنىڭ تىكەلەي قولداۋىمەن «تۇران سۋ» مەكەمەسىن تەحنيكالىق جاراقتاندىرۋعا اسا باسىمدىلىق بەرىلگەن.
2023 – 2024 ج.ج. مەكەمە تابىسى ەسەبىنەن 60 بىرلىك ارنايى تەحنيكالار ءبولىپ تولەۋ نەگىزىندە ساتىپ الىندى. مەكەمە تاراپىنان اۋدان، قالا اكىمدىكتەرىنە، كانالدار مەن ارىقتاردى تازالاۋ ماقساتىندا، قۇنى 756،4 ملن. تەڭگەگە 14 دانا ەكسكاۆاتور كەيىننەن ساتىپ الۋ تارتىبىمەن جالعا بەرىلدى. ناتيجەسىندە 714 شق. كانالدار، 387 شق. قاشىرتقىلار تازالانۋدا. بۇگىنگى مەرەكەدە اۋدان، قالا اكىمدىكتەرىنە قوسىمشا 10 دانا ارنايى تەحنيكالار تابىستالدى.
ايتا كەتەيىك، بۇگىن تۇركىستان قالاسىندا اۋىل شارۋاشىلىعى قىزمەتكەرلەرى كۇنىنە وراي، «AGROFEST TÚRKISTAN - 2024» سالتاناتتى شاراسى ءوتىپ جاتىر. بۇل كۇنى تۇرعىندارعا الا جازداي ريزىق-نەسىبەسىن جەردەن تەرگەن ءوڭىر ديقاندارىنىڭ 3000 توننادان استام ونىمدەرى ۇسىنىلدى. «كەرۋەن ساراي» تۋريستىك كەشەنىندە ۇيىمداستىرىلعان مەرەكەلىك شارادا اسىل تۇقىمدى مال شارۋاشىلىعى مەن تەحنيكالار كورمەسى جانە اۋىل شارۋاشىلىعى ونىمدەرىنىڭ جارمەڭكەسى جانە ۇلتتىق سپورت تۇرلەرىنەن جارىستار وتۋدە.
