قارجىلاندىرىلعان جوبالار ناتيجەسىندە جۇمىسپەن قامتىلعاندار سانى – 16 525 ادامعا جەتكەن. جالپى قارجىلاندىرىلعان 17 مىڭنان استام جوبانى جۇزەگە اسىرۋعا 34،1 ملرد. تەڭگە باعىتتالدى. بۇل تۋرالى تۇركىستان وبلىسى وڭىرلىك كوممۋنيكاسيالار قىزمەتىندە وتكەن بريفينگتە «ىرىس» ميكروقارجى ۇيىمىنىڭ ديرەكتورى دانيار ارىنعازين ءمالىم ەتتى.
«ىرىس» مقۇ وتكەن جىلى 4 ملرد. 539،5 ملن. تەڭگەگە 1243 جوبانى قارجىلاندىرىپ، جۇزەگە اسقان جوبالار شەڭبەرىندە 1400-گە جۋىق جاڭا جۇمىس ورنى اشىلعان.
«2018 جىلى قارجىلاندىرىلعان جوبالار كەلەسى باسىم باعىتتار اياسىندا جۇزەگە اسىرىلدى: مال شارۋاشىلىعىندا – 2 ملرد. 199،2 ملن. تەڭگەگە 384 جوبا، دالا جۇمىستارى بويىنشا – 1 ملرد. 518،8 ملن. تەڭگەگە 766 جوبا، ءوندىرىس سالاسىندا – 28 ملن. تەڭگەگە 3 جوبا، جىلىجاي بويىنشا – 123 ملن. تەڭگەگە 15 جوبا، قىزمەت كورسەتۋ اياسىندا – 425،1 ملن. تەڭگەگە 53 جوبا، قۇس شارۋاشىلىعىندا – 11،9 ملن. تەڭگەگە 6 جوبا قارجىلاندىرىلدى»، - دەدى دانيار ماناتجان ۇلى.
بۇگىندە «ىرىس» ميكروقارجى ۇيىمىنىڭ نەسيە قورجىنى 34،1 ملرد. تەڭگەگە جەتكەن. ۇيىمنىڭ نەسيە قورجىنىنىڭ باسىم بولىگىن مال شارۋاشىلىعى قۇرايدى.
بۇدان وزگە، «ىرىس» ميكروقارجى ۇيىمى 2017 جىلدىڭ جەلتوقسان ايىنان باستاپ جاس كاسىپكەرلەرگە كومەك رەتىندە «جاس كاسىپكەر» باعدارلاماسىن قولعا العان. باعدارلاما تالابى بويىنشا جاسى 18-29 جاس ارالىعىنداعى جاس كاسىپكەرلەرگە 2 ملن.تەڭگەگە دەيىن جەڭىلدەتىلگەن نەسيە كەپىل مۇلكى نەمەسە العاشقى جارنا تالاپ ەتىلمەي-اق بەرىلىپ كەلەدى. جوبا بۇگىنگى كۇنى ءساتتى جۇرگىزىلىپ، 20 ملن. تەڭگەنى قۇرايتىن 10 ۇزدىك جوبا قارجىلاندىرىلدى.
