قارجىلاندىرىلعان جوبالار نەتيجەسٸندە جۇمىسپەن قامتىلعاندار سانى – 16 525 ادامعا جەتكەن. جالپى قارجىلاندىرىلعان 17 مىڭنان استام جوبانى جٷزەگە اسىرۋعا 34,1 ملرد. تەڭگە باعىتتالدى. بۇل تۋرالى تٷركٸستان وبلىسى ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە «ىرىس» ميكروقارجى ۇيىمىنىڭ ديرەكتورى دانييار ارىنعازين مەلٸم ەتتٸ.
«ىرىس» مقۇ ٶتكەن جىلى 4 ملرد. 539,5 ملن. تەڭگەگە 1243 جوبانى قارجىلاندىرىپ, جٷزەگە اسقان جوبالار شەڭبەرٸندە 1400-گە جۋىق جاڭا جۇمىس ورنى اشىلعان.
بٷگٸندە «ىرىس» ميكروقارجى ۇيىمىنىڭ نەسيە قورجىنى 34,1 ملرد. تەڭگەگە جەتكەن. ۇيىمنىڭ نەسيە قورجىنىنىڭ باسىم بٶلٸگٸن مال شارۋاشىلىعى قۇرايدى.
بۇدان ٶزگە, «ىرىس» ميكروقارجى ۇيىمى 2017 جىلدىڭ جەلتوقسان ايىنان باستاپ جاس كەسٸپكەرلەرگە كٶمەك رەتٸندە «جاس كەسٸپكەر» باعدارلاماسىن قولعا العان. باعدارلاما تالابى بويىنشا جاسى 18-29 جاس ارالىعىنداعى جاس كەسٸپكەرلەرگە 2 ملن.تەڭگەگە دەيٸن جەڭٸلدەتٸلگەن نەسيە كەپٸل مٷلكٸ نەمەسە العاشقى جارنا تالاپ ەتٸلمەي-اق بەرٸلٸپ كەلەدٸ. جوبا بٷگٸنگٸ كٷنٸ سەتتٸ جٷرگٸزٸلٸپ, 20 ملن. تەڭگەنٸ قۇرايتىن 10 ٷزدٸك جوبا قارجىلاندىرىلدى.
