اقپاراتقا قاراعاندا، بۇدان بىلاي نيازوۆتى اشعابادتا رەسمي شارالاردا ونىڭ ەسكەرتكىشىنە گۇل قويۋ راسىمىندە عانا ەسكە الۋعا بولادى.
بيىل اشعابادتا ەلدىڭ تۇڭعىش پرەزيدەنتىن ەسكە الۋ شاراسى 21 جەلتوقساندا وتكەن. مەملەكەتتىك اقپارات قۇرالدارىنىڭ جازۋىنشا، وعان ەل پرەزيدەنتى گۋربانگۋلى بەردىمۇحامەدوۆ قاتىسپاعان.
وسىعان دەيىن بەردىمۇحامەدوۆ نيازوۆتى ەسكە الۋعا ارنالعان شارالارعا ءوزى قاتىسىپ، گۇل قويىپ كەلگەن.
ساپارمۇرات نيازوۆ تۇركىمەنستاندى 1985 جىلدان 2006 جىلعا دەيىن باسقارعان. 1990 جىلى پرەزيدەنت بولعاننان كەيىن ول تۇركىمەنستان باتىرى جانە تۇركىمەنباشى اتاعىن العان. نيازوۆ قۇرمەتىنە اشعابادتا جانە ەلدىڭ باسقا وڭىرلەرىندە كوپتەگەن ەسكەرتكىشتەر ورناتىلعان.
تۇركىمەنباشى 2007 جىلى قازا بولعاننان كەيىن بىرتىندەپ ونىڭ ەسكەرتكىشتەرى ازايا باستادى. 2007 جىلى مامىر ايىندا نيازوۆتىڭ تۇركىمەناباد قالاسىنداعى ەسكەرتكىشى الىنىپ تاستالدى. 2008 جىلى بەيتاراپ قاقپاسىن اشعاباد ورتالىعىنان قالانىڭ شەتىنە كوشىرۋگە شەشىم شىعارىلدى. وندا بۇرىنعى پرەزيدەنتتىڭ التىن جالاتىلعان ءمۇسىنى ورناتىلعان.
