تٷركييا قازاعى, ەنشٸ, اقىن ەرٸ كومپوزيتور بەشٸر احمەت كٶسە دٷنيەدەن ٶتتٸ. قارالى حاباردى جۋرناليست ەرجان تٶلەك جەتكٸزدٸ, دەپ حابارلايدى dalanews.kz.
ونىڭ ايتۋىنشا, بەشٸر احمەت كٶسە تٷركيياداعى قازاق قاۋىمىنىڭ كٶرنەكتٸ ٶكٸلدەرٸنٸڭ بٸرٸ بولعان. ول قازاق مەدەنيەتٸن تٷركٸ ەلەمٸنە تانىتۋعا ەلەۋلٸ ٷلەس قوسىپ, ىستانبۇلعا بارعان قازاقستاندىق ٶنەر ادامدارى مەن سول ەلدە بٸلٸم العان قازاق جاستارىنا ٷنەمٸ قولداۋ كٶرسەتكەن.
جۋرناليست مارقۇمنىڭ ادامگەرشٸلٸگٸ مەن شىعارماشىلىق بولمىسىن ەرەكشە اتاپ ٶتتٸ.
"بەشٸر اعامىز تٷركيياداعى قازاقتاردىڭ جارقىن ٶكٸلٸنٸڭ بٸرٸ ەدٸ. جٷرەگٸ كەڭ, بالاداي اڭقىلداعان تازا ادام بولاتىن. تٷركٸ ەلەمٸنە قازاق مەدەنيەتٸنٸڭ دەرٸپتەلۋٸنە تەڭدەسسٸز ٷلەس قوستى", – دەپ جازدى ول.
سونداي-اق ەرجان تٶلەك بەشٸر احمەت كٶسەنٸڭ ٷيٸندە قوناق بولىپ, ونىڭ ەڭگٸمەلەرٸ مەن ەندەرٸن تالاي رەت تىڭداعانىن ەسكە الدى.
"ٶمٸرٸن ٶنەرگە اينالدىرعان بەشٸر اعا دا بۇ دٷنيەنٸ تەرك ەتٸپتٸ. سٸز سالعان ەندەر مەن جارقىن بەينەڭٸز مەڭگٸ جٷرەگٸمٸزدە. تٷركيياداعى قازاق جۇرتىنا, اعانىڭ ەۋلەتٸنە قايعىرا كٶڭٸل ايتامىن", – دەلٸنگەن جازبادا.
بەشٸر احمەت كٶسە 1955 جىلى تٷركييانىڭ ساليحلي قالاسىندا دٷنيەگە كەلگەن. ونىڭ "التاي تاۋىم", "كٶكتەم", "جالعىز كٶڭٸلٸم" سەكٸلدٸ ەندەرٸ كٶپشٸلٸككە بەلگٸلٸ.
