تٷركييانىڭ انتاليا قالاسىندا 15 ماۋسىم كٷنٸ بولعان جول-كٶلٸك وقيعاسى سالدارىنان 18 جاستاعى قازاقستان ازاماتى كٶز جۇمدى. بۇل تۋرالى مارقۇمنىڭ تۋىستارى مەلٸمدەدٸ, دەپ حابارلايدى dalanews.kz nur.kz-كە سٸلتەمە جاساپ.
ولاردىڭ ايتۋىنشا, بويجەتكەن انتالياداعى قوناقٷيلەردٸڭ بٸرٸندە ٶندٸرٸستٸك تەجٸريبەدەن ٶتٸپ, انيماتور بولىپ جۇمىس ٸستەگەن. وقيعا بولعان تٷنٸ ونىڭ اسقازانى قاتتى اۋىرىپ, تانىسى اۋرۋحاناعا الىپ بارا جاتقان كەزدە جول اپاتىنا ۇشىراعان.
قازاقستاننىڭ سىرتقى ٸستەر مينيسترلٸگٸ انتالياداعى باس كونسۋلدىق مارقۇمنىڭ وتباسىنا قاجەتتٸ كونسۋلدىق-قۇقىقتىق كٶمەك كٶرسەتكەنٸن حابارلادى. اتاپ ايتقاندا, قۇجاتتاردى رەسٸمدەۋگە جەنە مەيٸتتٸ قازاقستانعا جەتكٸزۋگە قولداۋ كٶرسەتٸلگەن.
سونداي-اق ۆەدومستۆو قىزدىڭ قازا بولۋىنا قاتىستى مەن-جاي باس كونسۋلدىقتىڭ باقىلاۋىندا ەكەنٸن, قازٸرگٸ ۋاقىتتا تٷركييانىڭ قۇزىرلى ورگاندارىمەن ٶزارا ٸس-قيمىل جالعاسىپ جاتقانىن مەلٸمدەدٸ.
