"بۇل ەندى باتىل دا جاۋاپتى قادام. سوزدەن ىسكە كوشەيىن دەدى. كەڭەستەن وداققا اينالادى"، – دەپ جازادى جەلىدە شىڭعىس باۋىرجان ۇلى.
كۇنى كەشە ەردوعان بۇل سامميت ۇيىم تاريحىنداعى ۇلكەن بەتبۇرىس بولادى دەپ، ءبارىمىزدى قىزىقتىرىپ قويدى. سونىسىنا قاراعاندا، شىنىمەن دە "بومبا" بولاتىن سياقتى. ايتپاقشى، اۋىر سالماقتى بۇل ساياسي ۇيىمعا قوسىلۋعا ۋكراينانىڭ ءوزى ەمەۋرىن تانىتىپتى.
ارينە، مۇنىڭ بارلىعىن بايقاپ وتىرعان سولتۇستىكتەگى كەي "بۇعىلار" ءقازىر جىندانىپ ءجۇر. "دوستىق" وردەنىنىڭ ەكى دۇركىن كاۆالەرى جانە "بارىس" وردەنىنىڭ كاۆالەرى وسى سامميت قارساڭىندا قازاق-ورىس تاقىرىبىن كوتەرىپ، ارانداتۋ ماقساتىندا ماقالا جازىپ جىبەردى. ءبىز تۇركى الەمىنە قاراي اقىرىن قوزعالا باستاعانىمىزدا سولتۇستىكتەگى وداقتاس "برات" حالىق ءبىزدى قورقىتىپ-ۇركىتە باستايدى. ەندەشە، ءبىزدىڭ باعىتىمىز دۇرىس سياقتى. ولاردىڭ قورسىلى قاتتىراق ەستىلە باستاعان سايىن، كەتكەن ەسەسىن قايتارىپ، باياعى ۇستەمدىگىن قايتارعىسى كەلەتىن ۇلى تۇركى الەمى تىرىلە بەرەتىن سىقىلدى، دەلىنەدى جازبادا.
