تٷركٸ ەلدەرٸ بٸرتۇتاس بولسا, كەز-كەلگەن سىناققا تٶتەپ بەرەدٸ – ەردوعان
بۇل تۋرالى Dalanews.kz حابارلايدى.
"ەزٸربايجاندا اۋماعىنداعى سوعىس جەڭٸسپەن اياقتالىپ, باكۋ قاراباقتى ٶز قاراماعىنا قايتارىپ الدى. بۇل باۋىرلاس ەل ٷشٸن ٷلكەن جەتٸستٸك. بٸز بەيبٸتشٸلٸككە قاراي باتىل قادام جاسادىق. ەندٸگٸدە ەرەۆان تاراپى ٶز مٸندەتتەرٸن ورىنداۋى قاجەت. تٷركٸ ەلەمٸ ينتەگراتسيياسىن العا باستىراتىن تاعى بٸر ماڭىزدى فاكتور - كٶلٸك دەلٸزٸ. ەزٸربايجاندى ناحشىبانمەن دەرەۋ تٷردە بايلانىستىرۋ كەرەك, - دەدٸ ەردوعان.
تٷركييا باسشىسى سونىمەن قاتار گازاداعى احۋالعا توقتالىپ, "ەدٸلەتسٸزدٸك كٶرە تۇرا, ٷنسٸز قالعانىمىز جارامايدى" دەپ پٸكٸر بٸلدٸردٸ.
"مەشٸتتەر تالقاندالىپ, اۋرۋحانالاردى بومبىلاپ جاتىر. كٷنەسٸز سەبيلەر ٷيٸندٸ استىندا قالدى. بۇل زورلىق-زومبىلىقتى اقتاۋعا بولمايدى. بٸر اي بويىنا گازادا ادامزاتقا قارسى قىلمىس جاسالۋدا. تٷركييادا بٸز گۋمانيتارلىق ساياسات باسىمدىق بەرٸپ وتىرمىز. بەيبٸت حالىقتىڭ قانىن تٶگەتٸن اگرەسسيۆتٸ ساياساتتى قولداماۋىمىز كەرەك. قارۋلى قاقتعىستى اياقتاۋ كەرەك. مۇسىلمان, ەۋرەي, حريستيان بولسىن تىنىشتىقتا ٶمٸر سٷرۋ قاجەت. سول سەبەپتٸ 10 ۇشاقتان تۇراتىن گۋمانيتارلىق كٶمەكتٸ گازاعا اتتاندىردىق. ەلٸ دە جٸبەرەمٸز. قارۋلى كونفليكت اياقتالىپ, تٷركٸ ەلدەرٸ بەيبٸتشٸلٸكتٸ قولدايدى دەگەن ٷمٸتتەمٸز», - دەدٸ ەردوعان.
