«ازاتلىك» راديوسىنىڭ جۋرناليستەرٸ اشحابادتا ديدار حيتروۆسكيي دەگەن اتپەن تانىلعان تيكتوكەر ديدار امانساحاتوۆتىڭ قابٸرٸن تاپتى. ول 2025 جىلدىڭ سوڭىندا ەت باعاسىنىڭ قولجەتٸمسٸزدٸگٸ تۋرالى ۆيدەو جارييالاعاننان كەيٸن جوعالىپ كەتكەن ەدٸ. بٸرنەشە كٷننەن سوڭ جەلٸ قولدانۋشىلارى ديداردى پوليتسييا الىپ كەتكەننەن كەيٸن قايتىس بولعانىن جازا باستاعان. ەندٸ بۇل اقپارات رەسمي تٷردە راستالدى, دەپ حابارلايدى Dalanews.kz.
قۇلپىتاسقا قاشالعان دەرەككە سەيكەس, ديدار امانساحاتوۆ 1991 جىلعى 30 مامىردا تۋعان, 2025 جىلعى 20 قاراشادا قايتىس بولعان. 34 جاستاعى ەر ادامنىڭ سوڭعى جارييا سٶزدەرٸ تٷرٸكمەنستانداعى ەت باعاسىنىڭ شەكتەن تىس قىمباتتاۋىنا ارنالعان.
ول ۆيدەودا مۇنى ەزٸل ارالاس «ەسكەرتۋ» تٷرٸندە جەتكٸزگەن:
«بۇل نە دەگەن سۇمدىق — ەت 150 مانات, 140 مانات بولىپ تۇر? ە?! نەمەسە سٸزدەر (ٷكٸمەت) ەت باعاسىن تٷسٸرەسٸزدەر, نەمەسە بٸز مٷلدە ەت جەمەيمٸز».
وسى جازبادان كەيٸن حيتروۆسكيي (لاقاپ اتى اشحابادتاعى حيتروۆكا اۋدانىنان شىققان بولۋى مٷمكٸن) ٸز-تٷزسٸز جوعالدى. تٷرٸكمەن TikTok سەگمەنتٸندە كەيبٸر قولدانۋشىلار ديدار وسى سٶزٸ ٷشٸن 15 تەۋلٸككە قامالعانىن جازدى. كٶپ ۇزاماي ونىڭ قايتىس بولعانى تۋرالى حابارلار تاراي باستادى, الايدا ٶلٸمنٸڭ سەبەبٸ اشىق ايتىلمادى. كٶپشٸلٸك تەك «ٷكٸمەتكە قارسى شىعۋعا بولمايدى» دەگەن تۇسپالمەن شەكتەلگەن.
امانساحاتوۆتىڭ قازا تاپقانى راس بولىپ شىقتى. «ازاتلىك» تٸلشٸلەرٸ بلوگەردٸڭ قابٸرٸن تاپقانىن حابارلادى. ونىڭ ناقتى قاي زيراتتا جەرلەنگەنٸ كٶرسەتٸلمەيدٸ. الايدا TikTok جەلٸسٸندەگٸ پٸكٸرلەردە ديداردىڭ گيوكدەپە ەلدٸ مەكەنٸندە جەرلەنگەنٸ جازىلعان.
«ازاتلىك» جۋرناليستەرٸ بٸرنەشە انونيم دەرەككٶزبەن سٶيلەسكەن. سولاردىڭ بٸرٸ ونىڭ ۇلتتىق قاۋٸپسٸزدٸك مينيسترلٸگٸنە تەرگەۋگە شاقىرىلعانىن ايتقان. بۇعان سەبەپ - بلوگەردٸڭ قازا بولۋى مٷمكٸن ەكەنٸ تۋرالى جازبا استىنا قالدىرعان كٶڭٸل ايتۋ پٸكٸرٸ.
دەرەككٶزدٸڭ ايتۋىنشا, تەرگەۋ كەزٸندە مينيسترلٸك قىزمەتكەرٸ وعان قوقان-لوقى كٶرسەتٸپ, «باسىن شاپقاننان كەيٸن ٶمٸر سٷرۋگە مٷمكٸندٸك بەرەتٸن ەكٸنشٸ باسىڭ بار ما?» دەپ قورقىتقان.
ديدار امانساحاتوۆ ساياسي بەلسەندٸ نەمەسە كەسٸبي بلوگەر بولعان جوق. ول TikTok-تا تۇرمىستىق تاقىرىپتاردى قوزعاپ, تٷرٸكمەن شوۋ-بيزنەس ٶكٸلدەرٸنٸڭ ەرەكەتتەرٸن تالقىلاپ, كەيدە ەدەيٸ وعاش ەرٸ ارانداتۋشى مەلٸمدەمەلەر جاسايتىن. كٶپشٸلٸك ونىڭ پاراقشاسىن ويىن-ساۋىق كونتەنتٸ رەتٸندە قابىلداعان.
الايدا تٷرٸكمەنستاننىڭ ارنايى قىزمەتتەرٸ ديداردىڭ جازبالارىن «بەيكٷنە» دەپ باعالاماعان. وعان بيلٸكتٸ اشىق سىنايتىن بەلسەندٸلەرگە, جۋرناليستەر مەن وپپوزيتسييالىق تۇلعالارعا قولدانىلاتىن قاتٸگەز ەدٸس پايدالانىلعان.
