ءبىز، قازاقتار ءوز تاراپىمىزدان تۇركيانىڭ – قازاقستاننىڭ تاۋەلسىزدىگىن تانىعان الەمدەگى ەڭ العاشقى مەملەكەت ەكەنىن ۇمىتپايمىز. قازاقتاردىڭ باسىنان وتكەن اۋمالى-توكپەلى زاماندا باۋىرلاس تۇرىك جۇرتى وتانىنان ايىرىلعان، تۋعان جەرىن قونىس اۋدارۋعا ءماجبۇر بولعان مىڭداعان قازاقتى باۋىرىنا باستى. ولارعا جەر، باسپانا، باسقا دا جەڭىلدىكتەر بەرىلدى.
ەڭ باستىسى ءبىز سىزدەردىڭ ءوز مۇددەلەرىڭىز بەن ۇستانىمدارىڭىزدى قورعاۋداعى ىس-ارەكەتتەرىڭىزدى قولدايمىز جانە قۇرمەتتەيمىز. ۇلى وسمان يمپەرياسىنىڭ ۇرپاقتارى، باۋىرلار، ءدال قازىرگىدەي قيىن شاقتا سىزدەرگە – بىرلىك پەن ىنتىماقتا بولۋدى تىلەيمىز!
