اۋدان ورتالىعىنداعى «مىڭجىلقى» مادەنيەت سارايىندا تۇڭعىش پرەزيدەنت كۇنىنە ارنالعان سالتاناتتى جيىن بولدى. جيىنعا اۋدان، مەكەمە ءبولىم باسشىلارى، قىزمەتكەرلەر، مۇعالىمدەر مەن تۇرعىندار قاتىستى.
جيىن بارىسى ۇلتتىق كۇيلەردىڭ ورىندالۋىمەن ساراي زالىنا اۋداندىق مەكەمەلەردەن، مەكتەپتەردەن، ۇيىمداردان جينالعان كوپشىلىكتىڭ كوڭىل كۇيلەرىنە مەرەكەلىك سيپات بەرىپ، باستالۋىندا قازاقستان رەسپۋبليكاسىنىڭ ءانۇرانى شىرقالۋىمەن اشىلىپ، قۇتتىقتاۋ ءسوز اۋدان اكىمى سالىحان پولاتوۆقا بەرىلدى. اۋدان باسشىسى، ەلباسىنىڭ حالىقارالىق دارەجەدەگى بەدەلى، جوعارعى لاۋازىمدى قىزمەتىندەگى تۇلعاسى جايلى كەڭىنەن ايتىپ، ەلىمىزدىڭ قازىرگى ۋاقىتتاعى “ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى” جانە «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ اتتى حالىققا جولداۋىنىڭ جاڭا ەكونوميكالىق ساياساتتىڭ ماڭىزدى ستراتەگياسىنا نازار اۋداردى.
سونان سوڭ، ايماق باسشىسى اۋدانعا ەڭبەگى سىڭگەن زەينەتكەر ساتان ماحانوۆقا، ابىلاكىم ازنايەۆقا «استانا قالاسىنا 20 جىل» مەرەكەلىك مەدالىن، قۇمكەنت اۋىل وكرۋگىنىڭ اكىمى اباي كوبەنوۆكە وبلىس اكىمىنىڭ گراموتاسىن، اۋداندىق دەنەشىنىقتىرۋ جانە سپورت ءبولىمىنىڭ باسشىسى مەرەي ءنيازالىۇلىنا وبلىس اكىمىنىڭ العىس حاتىن تاپسىردى. سونداي-اق، سوزاق اۋدانىنىڭ 90 جىلدىعىنا 90 ماقالا ايدارىمەن الەۋمەتتىك جەلىدە اۋداننىڭ تاريحىن ناسيحاتتاۋدا ەرەن ەڭبەك ەتكەن كامىلجان رىسمەتوۆ، «نۇر وتان» پارتياسى سوزاق اۋداندىق فيليالى ءتوراعاسىنىڭ ءبىرىنشى ورىنباسارى روللان ءالجانوۆ، اۋداندىق ورتالىق كىتاپحانىڭ ءبولىم مەڭگەرۋشىسى، سوزاق اۋدانىنىڭ 90 جىلدىعىنا ارنالىپ شىعارىلعان سوزاق ەنسيكلوپەدياسىنىڭ جاۋاپتى جيناقتاۋشىسى بولعان گۇلنار ومىربەك، قازاتەلەكوم مەكەمەسىنىڭ ءبولىم باسشىسى جاقىپ مۇقىمبەكوۆ، كاسىپكەر باعلان سۇگىربايەۆ، «جاستار رەسۋرستىق ورتالىعىنىڭ» كمم باسشىسى جەڭىس تولەپبەرگەنوۆكە اۋدان اكىمىنىڭ العىس حاتى تاپسىرىلدى.
سالتاناتتى جيىن بارىسىندا اۋداندىق ارداگەرلەر كەڭەسىنىڭ ءتوراعاسى قابىلبەك ەسپەنبەتوۆ، اۋدان جاستارىنىڭ اتىنان اسقار سۇلەيمەنوۆ اتىنداعى جالپى ورتا مەكتەبىنىڭ ءمۇعالىمى باۋىرجان امانوۆ كوپشىلىكتى قۇتتىقتادى.
مادەنيەت سارايىنىڭ قىزمەتكەرلەرى تارتىمدى جۇرگىزگەن جيىندا اتالعان سار ايدىڭ ونەرپازدارى مەن مەكتەپ وقۋشىلارى قازاق ەلى تۋرالى پاتريوتتىق اندەرىن شىرقالسا، ەلباسى نۇرسۇلتان ءابىش ۇلى نازاربايەۆتىڭ سوزىنە جازىلعان «ءۇش قوڭىر» ءانى ايتىلدى.
كوتەرىڭكى كوڭىل كۇيدى قالىپتاستىرعان سالتاناتتى جيىن ەستە قالارلىقتاي جوعارى دەڭگەيدە ءوتتى. سونداي-اق، شولاققورعان اۋىلىنداعى «مىڭجىلقى» مادەنيەت ءۇيىنىڭ الدىندا تۇڭعىش پرەزيدەنت كۇنىنە وراي كونسەرتتىك باعدارلاما قويىلدى. اۋداندىق ونەرپازدارى، مەرەكەگە وراي اننەن شاشۋ شاشىپ، كۇي تارتتى. اۋدان تۇرعىندارى اتالعان مەرەكەلىك كونسەرتتى تاماشالاپ، جالپىxالىقتىق سەرۋەنگە ۇلاستى. بارلىق اۋىل وكرۋگتەر مەن كەنتتەردە مەرەكەلىك شارالار، دوڭگەلەك ۇستەل، قايرىمدىلىق ىستەر ۇيىمداستىرىلىپ، كىشى فۋتبولدان، ۆولەيبولدان، ۇستەل تەننيسىنەن جارىستار ءوتتى.
Dalanews.kz
