بيىل شىمكەنتتىكتەردى تۇماۋعا قارسى ۆاكسيناسيالاۋ ءۇشىن 128 963 دوزا ۆاكسينا ساتىپ الىندى. قالالىق دەنساۋلىق ساقتاۋ باسقارماسىنىڭ مالىمەتىنشە قوسىمشا 109 432 دوزاعا ءوتىنىش بەرىلگەن. بۇل وتكەن جىلمەن سالىستىرعاندا 2 ەسە كوپ ەكەنىن ايتۋدا.

تۇماۋعا قارسى ۆاكسيناسيا جەرگىلىكتى مەكەنجايى بويىنشا تىركەلگەن العاشقى مەديسينالىق-سانيتارلىق كومەك ۇيىمدارىندا جۇرگىزىلەدى.

• ۆاكسيناسيا سوزىلمالى اۋرۋلارى بار 18 جاسقا دەيىنگى بالالار؛


• مەديسينالىق قىزمەتكەرلەر؛


• جۇكتى ايەلدەر (جۇكتىلىكتىڭ 2-3 تريمەسترى)؛


• جابىق مەكەمەلەردەگى ادامدار (بالالار ءۇيى، ءۇي، ينتەرنات)؛


• مۇگەدەك ەرەسەكتەر مەن سوزىلمالى اۋرۋلارى بار بالالار؛


• 60 جاستان اسقان قارت ادامدارعا جۇرگىزىلەدى.

سونداي-اق، ۆاكسيناسيعا قارسى كورسەتكىشتەرى بار ادامدارعا جاسالمايتىنىن ەسكەرتەمىز. ەگەر ادامدا وتكىر ۆيرۋستىق ينفەكسيا بولسا (تاماق اۋرۋى، جوتەل، بەزگەگى)، وندا ءسىز ۆاكسينا الا المايسىز! سوزىلمالى اۋرۋلاردىڭ ءورشۋ كەزىندە ۆاكسينالاردان ۋاقىتشا باس تارتىڭىز. ەكى جاعدايدا دا پاسيەنتتەر ساۋىققاننان كەيىن نەمەسە سوزىلمالى اۋرۋدىڭ تۇراقتى جاقسارۋىنان كەيىن ۆاكسيناسيالانادى.

شىمكەنت قالاسى اكىمىنىڭ باسپا ءسوز قىزمەتى