وبلىس ەكٸمٸنٸڭ ورىنباسارى ج. ومار ٶز سٶزٸندە «رۋحاني جاڭعىرۋ» باعدارلاماسى اياسىندا ٶڭٸردە اۋقىمدى جۇمىستار اتقارىلىپ جاتقانىن تٸلگە تيەك ەتە كەلە:
– مەدەنيەتتٸڭ ٸشٸندەگٸ سٷبەلٸ ورىن – ەدەبيەتتٸڭ ەنشٸسٸندە. قازاق ەدەبيەتٸ ٶزٸنٸڭ سان عاسىرلىق تاريحىندا تالاي تالانتتى تۇلعالارىن تانىتتى. سونىڭ ٸشٸندە ليريك اقىن تۇمانباي مولداعاليەۆتٸڭ ورنى ەرەكشە. ونىڭ دالاداي دارحان, سامالداي جۇمساق, بۇلاقتاي تازا سىرشىل ٶلەڭدەرٸ ٶز وقىرمانىن ٸزگٸلٸككە, ادامگەرشٸلٸككە, گۋمانيستٸك ويلارعا جەتەلەگەنٸ انىق. اقىننىڭ سٶزٸنە جازىلعان شەمشٸ قالداياقوۆ, نۇرعيسا تٸلەنديەۆ, ەسەت بەيسەۋوۆ سىندى كٶرنەكتٸ كومپوزيتورلاردىڭ ەندەرٸمەن قانشاما بۋىن ۇرپاق ٶسٸپ, ەر جەتتٸ. تۇماعاڭا ارناپ بيۋست – ەسكەرتكٸش ورناتۋ اقىننىڭ تۋعان توپىراعىنىڭ قازاق پوەزيياسىنا جاساعان قۇرمەتٸ, اقىننىڭ رۋحىنا باس يگەندٸكتٸڭ كٶرٸنٸسٸ دەپ بٸلەمٸن. بارشاڭىزدى وبلىس باسشىلىعىنىڭ اتىنان ايتۋلى وقيعامەن تاعى دا قۇتتىقتايمىن – دەدٸ ٶز قۇتتىقتاۋ سٶزٸندە.
اقىننىڭ جۇبايى كٷلتاي توقتاسىنقىزى وسىنداي يگٸلٸكتٸ ٸستٸ اتقارۋعا مۇرىندىق بولعان جەرلەستەرٸنە ريزاشىلىعىن بٸلدٸردٸ.
– بٷگٸنگٸقۋانىشىمدى بٸر سٶزگە سىيعىزىپ ايتۋ مٷمكٸن ەمەس. بۇل بٸزدٸڭ وتباسىمىز ٷشٸن عانا ەمەس, تۇتاس ەلٸمٸز ٷشٸن – ەرەكشە وقيعا. ٶز تۋعان توپىراعىندا بەينەسٸ اسقاقتاپ تۇرسا, تۇماعاڭدى ەل-جۇرتىنىڭ, وقىرماندارىنىڭ ۇمىتپاعانى. بٷگٸن ەرەكشە تولقىپ تۇرمىن. ەسكەرتكٸشتٸڭ اشىلۋىنا اتسالىسقان بارلىق ازاماتتارعا شىن جٷرەكتەن العىس ايتامىن, – دەدٸ تەبٸرەنٸپ اقىننىڭ زايىبى.
سٶز كەزەگٸن العان قازاقستان جازۋشىلار وداعىنىڭ تٶراعاسى نۇرلان ورازالين تۇمانباي مولداعاليەۆتٸڭ قازاق پوەزيياسىن, سٶز ٶنەرٸن دامىتۋعا قوسقان ٶلشەۋسٸز ٷلەسٸنە كەڭٸنەن توقتالىپ ٶتٸپ, اقىننىڭ ەسٸمٸ زامان وزعان سايىن جارقىراي تٷسەتٸنٸن ايتتى. باسقوسۋ سوڭىندا جينالعان قاۋىم ٶڭٸر ٶنەرپازدارىنىڭ كونتسەرتٸن تاماشالادى.
اتاپ ٶتسەك, ەسكەرتكٸشتٸڭ ەسكيزدٸك جوباسىنىڭ اۆتورى – سەۋلەتشٸ, ەتنوديزاينەر قۇرمانعازى قادىروۆ, مٷسٸنشٸسٸ – التاي بەيسەنوۆ. اقىننىڭ بيۋستٸ قولادان جاسالعان, تۇعىرى مەرمەر تاستان دايىندالعان. ەسكەرتكٸشتٸڭ بيٸكتٸگٸ – 4 مەتر. الاڭى 3,5 گا بولاتىن اۋماق 76 ملن. تەڭگەگە اباتتاندىرىلعان. مۇندا 70 جارىق باعاناسى, 4 سۇحباتتاساتىن ورىن, 30 ورىندىق ورناتىلعان. 1,5 شاقىرىمعا جاياۋ جٷرگٸنشٸلەرگە ارنالعان جول تٶسەلگەن. 120 تيان-شان شىرشاسى,150-گە جۋىق راۋشان گٷلٸ ەگٸلگەن.
الماتى وبلىسى ەكٸمٸنٸڭ باسپاسٶز قىزمەتٸ
