– اۋداندا كاسىپكەرلىك سالاسىندا جۇمىس ىستەيتىندەر سانى 17 344 ادامعا جەتىپ، بيزنەسمەندەر سانى 106 ادامعا نەمەسە 100،6% ءوسىپ وتىر. جالپى كاسىپكەرلىك سالاسىندا بەلسەندى جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 6520 بىرلىكتى قۇراپ وتىر. اۋدانداعى 4 شاعىن نەسيە ۇيىمى ارقىلى 2712 جەكە ازاماتقا 1237،2 ملن تەڭگە نەسيە بەرىلدى، – دەدى نۇربول ءابدىساتتار ۇلى.
اۋداندا كاسىپكەرلىكتىڭ كەڭ قانات جايۋى ءۇشىن، ياعني، بيزنەس-ورتانى تۇبەگەيلى جاقسارتۋ جانە كەڭەيتۋ اياسىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ بارلىق باعىتى بويىنشا ءتيىستى جۇمىستار اتقارىلىپ، ناتيجەسىندە، بەلسەندى تۇردە 235 ازامات وقۋعا جولدانسا، 34 ازاماتقا 81،2 ملن. تەڭگە شاعىن نەسيە بەرىلگەن. سونداي-اق، باعدارلامانىڭ ءۇشىنشى باعىتى اياسىندا 961 ادام جۇمىسپەن قامتىلىپتى.
جولداۋدا ايتىلعان ءاربىر باسىمدىققا جەكە-جەكە توقتالعان اۋدان باسشىسى كاسىپكەرلىكتى دامىتۋدا مەملەكەت-جەكەمەنشىك سەرىكتەستىگىن دامىتۋ جۇمىستارىنىڭ بارىسىن دا باياندادى. ماسەلەن، جىل سوڭىنا دەيىن وسى باعىتتا تۇلكىباستاعى اقبيىك اۋىلىندا 100 ورىندىق ءبىر بالاباقشا ەل يگىلىگىنە بەرىلمەك. جانە بۇل جۇمىستار ودان ءارى جالعاساتىن بولادى. وسى كورسەتكىشتەردىڭ ناتيجەسىندە مەكتەپكە دەيىنگى بالالاردى بالاباقشامەن قامتۋ ءىسى اۋداندا بيىل 92،6 پايىزدى قۇراپ وتىر ەكەن.
وقو اكىمىنىڭ باسپا ءسوز قىزمەتى
