وقو اكىمىنىڭ باسپا ءسوز قىزمەتى ۇيىمداستىرعان پرەسس-تۋر بارىسىندا جۋرناليستەر وسىنداي يگى ءىستىڭ كۋاسى بولدى. ب ا ق وكىلدەرى اۋدانداعى اۋىل شارۋاشىلىعى سالاسىندا اتقارىلىپ جاتقان شارۋالارمەن تانىسىپ، ءبىرقاتار كاسىپورىنداردى ارالاپ كوردى.
الا جازداي ەتكەن ەڭبەكتىڭ جەمىسىن كورگەن شارۋالار «التىن كۇز» اۋىل شارۋاشىلىعى مەرەكەسىندە باس قوسىپ، ناتيجەلى كورسەتكىشكە قول جەتكىزگەن ءبىرقاتار شارۋالار ماراپاتتالدى. سالتاناتتى جيىندا تۇلكىباستىق تۇرعىندارعا كيىز ۇيلەر تىگىلىپ، ۇلتتىق تاعامداردان اس مازىرلەرى ۇسىنىلدى. سونىمەن قاتار، تومەنگى باعادا اۋىل شارۋاشىلىعىنىڭ ونىمدەرى جارمەڭكەسى ۇيىمداستىرىلدى.
ايماقتىڭ تىنىس-تىرشىلىگىمەن تانىستىرعان اۋدان اكىمى نۇربول تۇراشبەكوۆ بيىلعى جىلدى شارۋالار جەمىستى اياقتاپ وتىرعانىن اتاپ ءوتتى.
– اۋدان كولەمىندەگى 571،8 شاقىرىمدى قۇرايتىن 111 كانال كوممۋنالدىق مەنشىكتەن رەسپۋبليكالىق مەنشىكتىڭ تەڭگەرىمىنە قابىلداندى. اۋدانىمىزدا بيىلعى جىلى جاڭادان 31 وندىرىستىك كووپەراتيۆى اشىلىپ، 385 ادام جۇمىسپەن قامتىلدى. سونىمەن قاتار 261 بىرلىك مال بورداقىلاۋ الاڭى، 82 بىرلىك شاعىن ءسۇت فەرماسى اشىلدى، – دەدى نۇربول تۇراشبەكوۆ.
سونىمەن بىرگە اۋدان باسشىسى اۋىل شارۋاشىلىعى سالاسىن دامىتۋ ماقساتىندا «اۋىل شارۋاشىلىعىن قارجىلاي قولداۋ قورى» ارقىلى ءار ءتۇرلى باعدارلاما شەڭبەرىندە جىل باسىنان بەرى 237 ملن. تەڭگە بولاتىن 71 جوبا، ال، اۋىل ازاماتتارىن ىنتالاندىرۋ ءۇشىن «ىرىس» قارجى ۇيىمى ارقىلى 218 ملن. تەڭگە كولەمىندە 55 جوبا قارجىلاندىرىلعانىن ايتتى.
وسىنداي مەملەكەتتىك باعدارلاما اياسىندا قارجىلاي قولداۋ تاپقان جوبالاردىڭ ءبىرى «قازاقباي» وندىرىستىك كووپەراتيۆى. مال بورداقىلاۋ ىسىمەن اينالىساتىن كووپەراتيۆتىڭ بۇگىندە ءۇش مۇشەسى بار. ولار كووپەراتيۆكە بىرىگۋدىڭ ارقاسىندا جۇمىستارىن جۇيەلەپ، مەملكەتتەن جەڭىلدەتىلگەن 3 ملن. تەڭگە كولەمىندە نەسيە العان. الداعى ۋاقىتتا جۇمىسىن كەڭەيتىپ، قوسىمشا سۋبسيديا يەلەنۋدى جوسپارلاپ وتىر.
