تۇلكىباس اۋدانىندا كاسىپكەرلەر ارقىلى سپورت نىساندارىن كوبەيتۋ جۇمىستارى ءجۇرىپ جاتىر. سولاردىڭ ءبىرى – ازاتتىق ەلدى مەكەنىندەگى «سپورت سەرۆيس ازاتتىق» اتتى سپورت كەشەنى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
وتكەن جىلى ازاتتىق ەلدى مەكەنىنەن بەكمۇراتوۆ اتامۇرات ەسىمدى جەكە كاسىپكەردىڭ ءوز قارجىسى ەسەبىنەن اشىلعان نىساندا بۇگىنگى تاڭدا 600-گە جۋىق مەكتەپ جاسىنداعى بالا سپورتتىڭ 8 تۇرىنەن (بوكس، كۇرەس، دزيۋدو، تحەكۆاندو، ۆولەيبول، ۇستەل تەنيسى، فۋتبول، گيمناستيكا) ۇيىرمەلەرگە قاتىسىپ، بوس ۋاقىتتارىن ءتيىمدى وتكىزۋدە.
بۇدان بولەك كەشەننىڭ قوسىمشا عيماراتىنا تىگىن سەحى اشىلىپ، تاپسىرىستار قابىلداپ، قازىرگى تاڭدا جۇمىسىن جۇرگىزۋدە. كاسىپكەر وتكەن جىلى ۇيىرمەنىڭ ءۇش تۇرىنە قاجەتتى ايماقتى دايىنداسا، بيىل قوسىمشا 5 ۇيىرمەگە كەرەكتى زالداردى ىسكە قوسقان. جالپى كەشەننىڭ قۇرىلىسىنا 200 ملن. تەڭگەگە جۋىق ءوز قارجىسىن جۇمساعان.
اتالعان نىسانعا اۋدان اكىمى نۇرجان ىزتىلەۋوۆ ارنايى تابان تىرەپ، كاسىپكەردىڭ جۇمىسىنا وڭ باعاسىن بەردى. كاسىبىن ۇلعايتۋعا مەملەكەتتەن قولداۋلار قاجەت بولعان جاعدايدا، كومەك بەرۋگە دايىن ەكەنىن جەتكىزدى.
اتالعان كاسىپكەرلىك نىساندا 30-دان استام اۋىل تۇرعىندارى جۇمىسپەن قامتىلىپ وتىر.
ايتا كەتەيىك، بۇگىنگى تاڭدا اۋداندا 5 وبلىستىق، «ەر جانىبەك» سپورت كلۋبى، «تۇلكىباس سپورت كلۋب» جانە مۇمكىندىگى شەكتەۋلى بالالارعا ارنالعان سپورت مەكتەبى حالىققا قىزمەت كورسەتەدى. وسى اتالعان 8 سپورت مەكەمەسىندە 5258 وقۋشى سپورتتىڭ 22 تۇرىنەن قامتىلعان. سونداي-اق بيىل رىسقۇلوۆ اۋىلدىق وكرۋگىنەن جەكە كاسىپكەر ا.تويشىبەكوۆتىڭ ەسەبىنەن جالپى قۇنى 150 ملن. تەڭگەگە فۋتبول الاڭشاسى اشىلىپ، اۋىل تۇرعىندارىنا پايدالانۋعا بەرىلسە، كەرەيت، مايتوبە جانە العاباس اۋىلدارىندا جابىق فۋتبول الاڭشالارىنىڭ قۇرىلىسى جۇرگىزىلۋدە.
