جاھاندانۋ كەزەڭىندە باسەكەگە قابىلەتتى جانە سۇرانىسقا يە مامانداردى دايارلاۋ وتە ماڭىزدى. جوعارى وقۋ ورىندارىنداعى ءبىلىم ساپاسىن الەمدىك دەڭگەيگە ساي جەتىلدىرۋ قاجەتتىلىگى زامان تالابى.

ءال-فارابي اتىنداعى  قازۇۋ-دا باسەكەگە قابىلەتتى ماماندار دايارلاۋعا، جاڭا ءبىلىم باعدارلامالارىن جۇزەگە اسىرۋعا مۇمكىندىكتەر مول.

ۋنيۆەرسيتەتىمىزدىڭ اكادەميالىق ساياساتىنا سايكەس تۇلەكتەردى جۇمىسپەن قامتۋ ماسەلەسى وزەكتى. تۇلەكتەردى جۇمىسقا ورنالاستىرۋ جوو جۇمىسىنىڭ تيىمدىلىگىنىڭ ماڭىزدى كورسەتكىشى بولىپ تابىلادى.

ۋنيۆەرسيتەت تۇلەكتەردىڭ جۇمىسقا ءساتتى ورنالاسۋىن ءبىلىم بەرۋ قىزمەتىنىڭ تيىمدىلىگىنىڭ نەگىزگى كورسەتكىشى رەتىندە قاراستىرادى.

ۋنيۆەرسيتەت ەڭبەك نارىعىنىڭ سۇرانىسىنا سايكەس ءبىلىم بەرۋ باعدارلامالارىنىڭ مازمۇنىن جاڭارتۋ ماقساتىندا جۇمىس بەرۋشىلەرمەن ۇزاق مەرزىمدى كوپجاقتى ىنتىماقتاستىقتى قولدايدى؛ قىزمەتكەرلەردىڭ ىشىنەن وقىتۋشى-پراكتيكتاردى ساباق وتكىزۋگە تارتادى، سونىڭ ىشىندە سىرتقى ۇيىمدارىنىڭ بازاسىنىڭ نەگىزىندە، سونىمەن قاتار، باسەكەگە قابىلەتتىلىك پەن سۇرانىستى قامتاماسىز ەتۋ ماقساتىندا، قازۇۋ تۇلەكتەرىنىڭ قورىتىندى اتتەستاسيالاۋىنا قاتىسادى.

جۇمىسپەن قامتۋعا جاردەمدەسۋ ءۇشىن ءبىلىم الۋشىلارى مەن تۇلەكتەرىن، جۇمىس مۇمكىندىكتەرى مەن كاسىبي تاعىلىمدامالار تۋرالى اقپاراتتاندىرۋ ماقساتىندا، ۋنيۆەرسيتەتتەگى ءتۇرلى ءىس-شارالارعا جۇمىس بەرۋشىلەردىڭ قاتىسۋىن قامتاماسىز ەتەتىن، مانساپ جانە كاسىبي دامۋ ورتالىعى جۇمىس ىستەيدى. ۋنيۆەرسيتەتتىڭ ءبىلىم الۋشىلارى مەن تۇلەكتەرى وزدەرىنىڭ تۇيىندەمەلەرىن الەۋەتتى جۇمىسپەن قامتاماسىز ەتۋشى ۇيىمدارعا جىبەرۋگە، سونداي-اق «جاستار جانە مانساپ» كورپوراتيۆتىك پورتالى ارقىلى جۇمىس ۆاكانسيالارىمەن تانىسۋعا مۇمكىندىكتەرى بار ەكەنى بارشاعا ءمالىم.

ۋنيۆەرسيتەت جوعارى بىلىكتى كادرلاردى دايارلاۋدىڭ ۇزدىك وتاندىق تاجىريبەسىنە سۇيەنە وتىرىپ، مەملەكەتتىك قىزمەتكە مامان دايارلاۋدىڭ قۇزىرەتتىلىگىن قا­لىپ­تاس­تى­رۋعا ۇم­تى­لىپ كەلەدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەكتەرى قازاقستانداعى جانە دۇنيە جۇزىندەگى جۇمىس بەرۋشىلەر تاراپىنان جوعارى سۇرانىسقا يە.

قازۇۋ تۇلەكتەرىنە قولجەتىمدى مانساپتىق مۇمكىندىكتەر ۋنيۆەرسيتەتتىڭ جوعارى ساپالى ءبىلىم بەرۋگە ۇمتىلىسىنىڭ كورىنىسى بولىپ تابىلادى. سونىمەن قاتار،ءبىلىم الۋشىلارعا الەۋەتتى جۇمىس بەرۋشىلەرمەن ءوزارا ارەكەتتەسۋگە جانە جۇمىس ورىندارىن قامتاماسىز ەتۋگە باعىت بەرەتىن مانساپ جارمەڭكەلەرى مەن جۇمىسقا ورنالاسۋ بويىنشا ديسكۋسسيالاردى ۇيىمداستىرادى.قارا شاڭىراق تۇلەكتەرى – عىلىم، بيزنەس، ساياسات جانە ونەردى قوسا العاندا، ءارتۇرلى سالالارداعى كوشباسشىلار. ولار ۋنيۆەرسيتەتتىڭ وكىلدەرى رەتىندە قىزمەت ەتۋدە. زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋسيالىق جانە اكىمشىلىك قۇقىق كافەدراسى ۋنيۆەرسيتەت بەرگەن بارلىق مۇمكىندىكتەردى پايدالانا وتىرا، «تۇراقتى دامۋ ماقساتتارى» كونسەپسياسىنىڭ 4-ماقساتى «ساپالى ءبىلىم» ەكەنىن ەسكەرىپ،ساپالى مامان دايىنداۋدا ايانباي ەڭبەك ەتۋدە.كافەدرانىڭ پروفەسسورلىق-وقىتۋشىلىق قۇرامىنىڭ بەرگەن بىلىمى-تۇلەكتەردىڭ كەمەل كەلەشەگىنىڭ كەپىلى ىسپەتتەس.

 

 جايناك ايدار

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋسيالىق جانە اكىمشىلىك قۇقىق كافەدراسىنىڭ وقىتۋشىسى