وقۋ-اعارتۋ مينيسترٸ عاني بەيسەمباەۆ ەلٸمٸزدەگٸ جەكەمەنشٸك مەكتەپتەرگە قاتىستى الاڭداۋشىلىق بٸلدٸردٸ, دەپ حابارلايدى Dalanews.kz.
“كەيبٸر جەكەمەنشٸك مەكتەپتەرگە قاتىستى ٶتە كٶپ مەسەلە بار. ول قاي قالادا جەنە قانداي مەكتەپ ەكەنٸن ۇيالتپاي, اتاماي-اق قويايىن. بٸراق قاجەت بولعان جاعدايدا تٷسٸن تٷستەپ, اتىن اتاپ بەرۋگە بولادى دەپ ويلايمىن. بٸرٸنشٸ كەزەكتە تۋىسقاندىق پرينتسيپتەرمەن مەكتەپتٸڭ مۇعالٸمدەرٸن, باسشىلىعىن تاعايىنداۋ بەلەڭ الىپ وتىرعانىن كٶرٸپ وتىرمىز. ەلٸمٸزدەگٸ كەيبٸر جەكەمەنشٸك مەكتەپتەردە بٸلٸمگە قاتىسى جوق ادامداردى باسشىلىققا تاعايىنداۋ, تۋىسقانىن مۇعالٸم رەتٸندە قابىلداۋ مەسەلەلەرٸ انىقتالعان” - دەيدٸ مينيستر.
سونىمەن قاتار مينيستر جەكە مەكتەپتەردٸڭ اتاۋىنا قاتىستى دا پٸكٸر بٸلدٸردٸ. جەكەمەنشٸك مەكتەپتەردٸڭ كٶپشٸلٸگٸنە ويىنا كەلگەن اتتاردى قويىپ, بٸلٸم بەرۋ ليتسەنزيياسىنا ساي كەلمەيتٸن جاعدايلار تٸركەلگەن. وعان قوسا, مەملەكەتكە تيەسٸلٸ ەكٸ مەكتەپتٸڭ ورتاسىنا جەكەمەنشٸك مەكتەپ سالىپ, تٷرلٸ جولدارمەن وقۋشىلاردى ٶزدەرٸنە تارتۋ ەرەكەتتەرٸ دە بايقالعان.
“بٸز تازا, ەدٸلەتتٸ بەسەكەلەستٸكتٸ تۋىنداتۋىمىز كەرەك. بٸر جاعىنان ونداي مەكتەپتەردٸڭ كٶپ ەمەستٸگٸ قۋانتىپ وتىر. جاقسى, تازا, ادال جۇمىس ٸستەپ جاتقان مەكتەپتەر بار. ولاردى قىسقارتۋ, جابۋ قاۋپٸ جوق. ال ەندٸ ساپاسىز, تەك اقشا تابۋ ٷشٸن جۇمىسىن ۇيىمداستىرىپ جاتقان مەكتەپتەرگە سۇراق بولادى”, - دەدٸ ول.
مينيستردٸڭ سٶزٸنشە, زاڭعا ساي جۇمىس ٸستەمەگەن بٸرنەشە مەكتەپ جابىلىپ تا ٷلگەرگەن. ولاردىڭ كەيبٸرٸ تٸپتٸ جەرتٶلەدە ورنالاسىپ, وقۋشىلاردى الداپ جيناعان.
“بۇل مەكتەپتەر اتا-انالاردى الاياقتىق جولمەن شاقىرىپ العان”, - دەيدٸ عاني بەيسەمباەۆ.
