اقش پرەزيدەنتٸ دونالد ترامپتىڭ يرانمەن كەلٸسسٶزدەر تۋرالى مەلٸمدەمەسٸنەن كەيٸن مۇناي باعاسى كٷرت قۇلدىرادى, دەپ حابارلايدى dalanews.kz.
20 مامىرداعى ساۋدا-ساتتىق بارىسىندا مۇناي باعاسى بٸر كٷندە شامامەن 6 پايىزعا تٶمەندەگەن. بۇعان ترامپتىڭ ۆاشينگتون مەن تەگەران اراسىنداعى كەلٸسسٶزدەردٸڭ سوڭعى كەزەڭگە جاقىنداعانىن مەلٸمدەۋٸ سەبەپ بولعان. بۇل تۋرالى Yahoo Finance جازدى.
اتاپ ايتقاندا, شٸلدە ايىنا ارنالعان WTI ماركالى مۇناي فيۋچەرستەرٸ 5,89 دوللارعا, ياعني 5,66 پايىزعا ارزاندادى. نارىق قاتىسۋشىلارى يران مۇنايىنىڭ ەلەمدٸك نارىققا قايتا ورالۋى مٷمكٸن ەكەنٸن جەنە ورمۋز بۇعازىنىڭ اشىلۋى ىقتيمال ەكەنٸن ايتا باستاعان.
ترامپ يرانمەن كەلٸسسٶزدەردٸڭ شەشۋشٸ كەزەڭٸنە جەتكەنٸن ايتىپ, تەگەراننىڭ ەرەكەتٸن "اقىلعا قونىمدى" دەپ باعالاعان. سونداي-اق ول بەيبٸت كەلٸسٸمگە كەلۋ ٷشٸن يرانعا كەلەسٸ اپتانىڭ باسىنا دەيٸن ۋاقىت بەرٸلۋٸ مٷمكٸن ەكەنٸن جەتكٸزدٸ.
ايتا كەتەيٸك, اقش پەن يران اراسىنداعى قاقتىعىس ورمۋز بۇعازىنداعى جاعدايدى كٷردەلەندٸرگەن ەدٸ. ەلەمدەگٸ مۇناي مەن سۇيىتىلعان گازدىڭ شامامەن بەستەن بٸرٸ دەل وسى ستراتەگييالىق باعىت ارقىلى تاسىمالدانادى.
سونىمەن قاتار مۇناي باعاسىنا ناتو ەلدەرٸنٸڭ دە ىقپالى تيگەن. قازٸرگٸ تاڭدا اليانس ەلدەرٸ ورمۋز بۇعازى جابىق كٷيٸندە قالسا, شٸلدە ايىنان كەيٸن ساۋدا كەمەلەرٸن ەسكەري سٷيەمەلدەۋ مەسەلەسٸن تالقىلاپ جاتىر. ساراپشىلاردىڭ پٸكٸرٸنشە, بۇل پارسى شىعاناعىنداعى مۇنايدىڭ بٸر بٶلٸگٸن قايتادان ەلەمدٸك نارىققا شىعارۋعا مٷمكٸندٸك بەرۋٸ مٷمكٸن.
دەگەنمەن ماماندار ەلەمدٸك مۇناي نارىعىنداعى تاپشىلىق جاقىن ارادا جويىلمايتىنىن ايتادى. حالىقارالىق ەنەرگەتيكا اگەنتتٸگٸنٸڭ مەلٸمەتٸنشە, ناۋرىز-سەۋٸر ايلارىندا ەلەمدٸك قور كٷن سايىن شامامەن 4 ميلليون باررەلگە قىسقارعان.
ساراپشىلاردىڭ بولجامىنشا, سوعىس جاقىن ارادا اياقتالعان كٷننٸڭ ٶزٸندە, مۇناي نارىعىنداعى ايتارلىقتاي تاپشىلىق كەم دەگەندە قازان ايىنا دەيٸن ساقتالۋى مٷمكٸن.
ال Goldman Sachs دەرەگٸنە سەيكەس, پارسى شىعاناعىنداعى مۇناي ٶندٸرٸسٸ تەۋلٸگٸنە 14,5 ميلليون باررەلگە دەيٸن تٶمەندەگەن. داعدارىس باستالعالى بەرٸ ەلەمدٸك قويمالاردان شامامەن 500 ميلليون باررەل مۇناي الىنعان. ماۋسىم ايىنا قاراي بۇل كٶرسەتكٸش 1 ميلليارد باررەلگە جەتۋٸ مٷمكٸن.
