ترامپتىڭ شەشٸمٸ: قازاقستان كەلٸسسٶز جٷرگٸزٸپ جاتىر

قازاقستان اقش تاراپىمەن كەلٸسسٶز جٷرگٸزٸپ جاتقانى بەلگٸلٸ بولدى,- دەپ حابارلايدى Dalanews.kz.

بۇل تۋرالى ساۋدا جەنە ينتەگراتسييا مينيسترلٸگٸنٸڭ سىرتقى ساۋدا قىزمەتٸ دەپارتامەنتٸنٸڭ ديرەكتورى سەرٸك ەشيتوۆ مەلٸمدەدٸ.

"9 سەۋٸردە امەريكا قۇراما شتاتتارى جوعارى تاريفتٸ ەنگٸزۋ جۇمىستارىن 90 كٷنگە كەيٸنگە قالدىراتىنىن جارييالادى. بٷگٸندە قازاقستان ٷكٸمەتٸ ەلٸمٸزگە جوعارى تاريف ەنگٸزٸلمەۋٸ ٷشٸن اقش-پەن كەڭەستٸ باستادى", - دەدٸ ەشيتوۆ ٶكق بريفينگٸندە.

سەرٸك ەشيتوۆ اقش ەنگٸزٸپ جاتقان شارالار امەريكاعا باعىتتالاتىن قازاقستاندىق ەكسپورتتىڭ 4,8 پايىزىنا عانا ەسەر ەتەتٸنٸن مەلٸمدەدٸ. ونىڭ سٶزٸنشە, اقش-قا باعىتتالاتىن, قازاقستاندىق ەكسپورتتىڭ شامامەن 90 پايىزى بولاتىن مۇناي, ۋران, كٷمٸس, فەرروقورىتپا سيياقتى نەگٸزگٸ ەكسپورت تاۋارلارىنا بۇل ەسەر ەتپەيدٸ.

"بۇل شارالاردى ەنگٸزۋ قازاقستان ەكسپورتىنا ايتارلىقتاي ەسەر ەتەدٸ دەۋگە نەگٸز جوق. سوعان قاراماستان ٷكٸمەت پەن ساۋدا جەنە ينتەگراتسييا مينيسترلٸگٸ وسىنداي بٸرجاقتى شارالاردىڭ سالدارىن ازايتۋ جەنە ساۋدا قاتىناسىن نىعايتۋ ٷشٸن امەريكالىق ەرٸپتەستەرمەن جۇمىستى جالعاستىرادى", - دەدٸ دەپارتامەنت باسشىسى.

ايتا كەتەيٸك, بۇعان دەيٸن اقش پرەزيدەنتٸ دونالد ترامپ 185 ەلگە, سونىڭ ٸشٸندە قازاقستانعا باج سالىعىن ەنگٸزەتٸنٸ حابارلاندى.