ونىڭ سٶزٸنشە, ينتەرنەتتە مەملەكەتتٸك تٸلدٸڭ رەپرەزەنتاتسيياسىن جاساۋ كەرەك.
كەيبٸر مەملەكەتتٸك ورگاندار مەن كۆازيمەملەكەتتٸك كومپانييالار ينتەرنەت سايتتارىنىڭ قازاقشا نۇسقالارىنا باسىمدىق بەرمەيتٸنٸن, تٸپتٸ ەلەۋمەتتٸك جەلٸلەردەگٸ پاراقشالارىندا دا قازاقشا جازۋعا كەلگەندە قۇلىقتى ەمەس ەكەنٸن كٶپ بايقاپ جٷرمٸز.
كەيبٸر مەملەكەتتٸك ورگانداردىڭ دومەندٸك اتاۋى مەملەكەتتٸك تٸلدە جازىلماعان. ودان باسقا, ەلٸمٸزدەگٸ ەرتٷرلٸ ٸرٸ حالىقارالىق جەنە جەرگٸلٸكتٸ كومپانييالاردىڭ ينتەرنەت سايتتارىنان دا, ەلەۋمەتتٸك جەلٸلەردەگٸ پاراقشالارىندا دا مەملەكەتتٸك تٸلگە جەتكٸلٸكتٸ كٶڭٸل بٶلٸنبەگەنٸن اڭعارۋعا بولادى.
سوندىقتان, ينتەرنەتتەگٸ تٸل مەسەلەسٸنە كٶڭٸل بٶلٸنٸپ, مەملەكەتتٸك تٸلگە قاتىستى تالاپ قويىلىپ, ەلگٸ سايتتار مەملەكەتتٸك تٸلدە دە جۇمىس ٸستەسە تٸلدٸڭ قولدانۋ اياسى ەلدەقايدا كەڭەيٸپ, انا تٸلٸمٸزدٸڭ دامۋىنا ٷلكەن وڭ ەسەرٸن بەرەر ەدٸ, – دەدٸ ول.
سونىمەن قاتار, جاستارمەن جۇمىستا جاڭا سەرپٸن كەرەك, دەگەن ول تاعى بٸر مەسەلەنٸ قوزعادى.
جاستارمەن كەزدەسۋ ٷشٸن ايماقتارعا بارعاندا جيٸ ۇشىراساتىن تاعى بٸر ٷلكەن پروبلەما-بٸلٸمدٸ, ينتەللەكتۋالدى, شىعارماشىل جاستاردىڭ جينالاتىن, كرەاتيۆتٸ يدەيالارىن دامىتۋعا مٷمكٸندٸك بەرەتٸن كلۋبتار, كوۆوركينگ ورتالىقتار, قوعامدىق ورىنداردىڭ جوقتىعى.
بۇل پروبلەما ايماقتار تٷگٸلٸ, تٸپتٸ ٸرٸ مەگاپوليستەردە دە ەلٸ شەشٸمٸن تاپقان جوق. بٸلٸمدٸ جاستاردىڭ ورتاسىن قالىپتاستىرۋ ٷشٸن ولارعا باس قوساتىن جەر, جينالاتىن ورتا قاجەت. اۋىل-ايماقتاردى ارالاپ جٷرٸپ بايقاعانىم, ەر اۋىلدان كەم دەگەندە بٸر مەيرامحانا, تويحانا عيماراتى بولادى. ال, بٸلٸم قۋعان, عىلىمعا قىزىققان جاستارعا ارنالعان ورتالىق تابۋ قيىن.
تٸپتٸ كٶپ اۋىلداردا كٸتاپحانا دا جوق. بولسا دا ول كٸتاپحانالارعا ٶتە ەسكٸ عيماراتتار بەرٸلگەن. كٸتاپحانالارعا ەرەكشە كٶڭٸل بٶلٸپ, جاستاردى كٸتاپ وقۋعا باعىتتاۋعا كٶبٸرەك كٶڭٸل بٶلٸنسە. بٸلٸمٸمٸز ەلەمدٸك, تەربيەمٸز ۇلتتىق بولۋى كەرەك. سوسىن, ستۋدەنتتەر مەن جاستاردىڭ بٸزدٸڭ ەلدە كەڭٸنەن تانىلعان بوكس پەن كٷرەستەن باسقا سپورت تٷرلەرٸنە قولجەتٸمدٸلٸگٸ ٶزەكتٸ مەسەلەلەردٸڭ بٸرٸ.
بٸزدٸڭ جوعارعى وقۋ ورىندارى ستۋدەنتتەردٸڭ تٷرلٸ سپورت تٷرلەرٸمەن اينالىسۋىنا ەشقانداي جاعداي جاسامايدى. كەيبٸر ۋنيۆەرسيتەتتەردٸڭ فۋتبول جەنە باسكەتبول وينايتىن عانا الاڭدارى بولسا, كەيبٸرەۋلەرٸندە مٷلدەم جوق. بار بولسا دا ٷنەمٸ جابىق تۇرادى. وسى ورايدا, ستۋدەنتتەرگە سپورتپەن اينالىسۋعا جاعداي جاسالسا, ەلٸمٸزدەگٸ بارلىق سپورت فەدەراتسييالارى جوو-ىمەن مەموراندۋمعا وتىرىپ, ستۋدەنتتەرگە جەڭٸلدٸكتەر مەن قولداۋلار قاراستىرسا. ۋنيۆەرسيتەتتەردٸ جاتتىقتىرۋشىلارمەن قامتاماسىز ەتسە دەگەن تٸلەك بار, دەپ قوستى روجين.
