بەلگٸلٸ ەنشٸ توقتار سەرٸك بالا تەربيەسٸنە قاتىستى ٶز كٶزقاراسىن ايتتى, دەپ حابارلايدى dalanews.kz.
ٶنەر يەسٸنٸڭ سٶزٸنشە, قازٸرگٸ ۋاقىتتا اتا-انانىڭ جاۋاپكەرشٸلٸگٸ بۇرىنعىدان دا ارتا تٷسكەن. ول بالالارىنىڭ كٷندەلٸكتٸ جٷرٸس-تۇرىسى مەن ەدەتتەرٸن ٷنەمٸ باقىلاۋدا ۇستاۋعا تىرىساتىنىن جەتكٸزدٸ.
توقتار سەرٸك مۇنى بالالارعا سەنٸمسٸزدٸك تانىتۋ ەمەس, ولاردى تٷرلٸ قاۋٸپتەن قورعاۋدىڭ بٸر جولى دەپ تٷسٸندٸرەدٸ.
"بالالارىمنىڭ قالتاسىن جيٸ تەكسەرەمٸن. سەبەبٸ قورقامىن. بٸر زيياندى زات, تەمەكٸ نەمەسە باسقا نەرسە شىعىپ قالسا شە? قازٸر زامان وڭاي ەمەس. بالانى باقىلاۋ – ەر اتا-انانىڭ باستى مٸندەتٸ", – دەدٸ ەنشٸ.
سونداي-اق ٶنەر يەسٸ بالالارىنا بٶتەن ادامداردان ەشتەڭە الماۋدى, كٶشەدە دە, ينتەرنەت كەڭٸستٸگٸندە دە ساق بولۋدى جيٸ ەسكەرتەتٸنٸن ايتتى.
ونىڭ پٸكٸرٸنشە, بٷگٸنگٸ كٷنٸ بالا تەربيەسٸ تەك اقىل ايتىپ, باعىت كٶرسەتۋمەن عانا شەكتەلمەيدٸ. اتا-انا بالاسىنا تۇراقتى كٶڭٸل بٶلٸپ, قاجەت كەزدە باقىلاۋ جاساپ وتىرۋى كەرەك.
توقتار سەرٸكتٸڭ جارى بەيبٸت سەيدۋاليەۆا دا كٷيەۋٸنٸڭ بۇل ۇستانىمىن قولدايتىنىن جەتكٸزدٸ.
