Belgili ánshi Toqtar Serik bala tárbiesine qatysty óz kózqarasyn aitty, dep habarlaidy dalanews.kz.
Óner iesiniń sózinshe, qazirgi ýaqytta ata-ananyń jaýapkershiligi burynǵydan da arta túsken. Ol balalarynyń kúndelikti júris-turysy men ádetterin únemi baqylaýda ustaýǵa tyrysatynyn jetkizdi.
Toqtar Serik muny balalarǵa senimsizdik tanytý emes, olardy túrli qaýipten qorǵaýdyń bir joly dep túsindiredi.
"Balalarymnyń qaltasyn jii tekseremin. Sebebi qorqamyn. Bir ziiandy zat, temeki nemese basqa nárse shyǵyp qalsa she? Qazir zaman ońai emes. Balany baqylaý – ár ata-ananyń basty mindeti", – dedi ánshi.
Sondai-aq óner iesi balalaryna bóten adamdardan eshteńe almaýdy, kóshede de, internet keńistiginde de saq bolýdy jii eskertetinin aitty.
Onyń pikirinshe, búgingi kúni bala tárbiesi tek aqyl aityp, baǵyt kórsetýmen ǵana shektelmeidi. Ata-ana balasyna turaqty kóńil bólip, qajet kezde baqylaý jasap otyrýy kerek.
Toqtar Seriktiń jary Beibit Seidýalieva da kúieýiniń bul ustanymyn qoldaitynyn jetkizdi.
