ءوز سۇحباتىندا توقتار اۋباكىروۆ، «قازاقستاننىڭ كونستيتۋتسياسىن 4ء-شى سىنىپ وقۋشىسىنىڭ شيماي داپتەرىنە اينالدىرۋعا بولمايتىنىن» اتاپ وتكەن.
«مەن شەت مەملەكەتتەردىڭ الدىندا بىزدە كونستيتۋتسيا بار دەپ ايتۋعا ۇيالامىن، سەبەبى بۇل كونستيتۋتسيا ەمەس، زاڭسىز –سايلانعان دەپۋتاتتار جازا سالاتىن وقۋشىنىڭ شيماي داپتەرى، – دەگەن پىكىر ءبىلدىرىپتى عارىشكەر.
ونىڭ ايتۋىنشا، ەلدى ءبىرپارتيالىق جۇيە بولماۋى كەرەك.
«نەگە دەسەڭىزدەر، ءبىرپارتيالىق پرەزيدەنت، ءوزىنىڭ پارتياسى بار پرەزيدەنت جانە قازىرگى ۋاقىتتا بيلەپ-توستەپ وتىرعان پارتيا – بۇل ۋاقىتشا قۇبىلىس: كۇندەردىڭ كۇنى ول ءبارىبىر دە كەتەدى، ءتىپتى سايلاۋ جولىمەن كەتپەسە دە، اقىر اياعى ولەدى. ءبىز ءبارىمىز دە اجالدىمىز. قازاقستاننىڭ بولاشاعىن ويلاۋ كەرەك. كەلەر ۇرپاق سەنى وسى مەملەكەتتى قيراتىپ تىنعان ادام رەتىندە ەمەس، قابىرعاسىن قالاعان قايراتكەر رەتىندە ەسكە الۋى قاجەت. ءقازىر بىردە-بىر كاسىپورىن جوق. 1991 جىلى تاۋەلسىزدىك العاندا، ءبىزدىڭ ءبىر تيىن سىرتقى قارىزىمىز جوق ەدى. بۇگىنگى كۇنى ءبىزدىڭ قارىزىمىز ءجىو-نىڭ وزىنەن اسىپ ءتۇستى. ءبىز شىنىمەن دە قايىرشى حالىقپىز، ءبىراق مۇنى ءالى دە بولسا سەزىنە قويعان جوقپىز، قوعام دا مۇنى ءالى تۇسىنە قويعان جوق»، – دەپ ەسەپتەيدى توقتار اۋباكىروۆ.
دەرەككوز: Kursiv.kz
https://www.youtube.com/watch؟v=wqFNJBj9W2Q
