مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى باستالدى، دەپ حابارلايدى Dalanews.kz.

جيىندا ەلىمىزدىڭ 2025 جىلعى الەۋمەتتىك-ەكونوميكالىق دامۋى قورىتىندىلانىپ، ۇكىمەتتىڭ الداعى كەزەڭگە ارنالعان نەگىزگى مىندەتتەرى ايقىندالادى.

ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ ەكونوميكانىڭ تۇراقتى دامۋىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى باياندادى.

ولجاس بەكتەنوۆ مەملەكەت باسشىسىنىڭ ەل ەكونوميكاسىن ودان ءارى نىعايتۋ جونىندەگى العا قويعان مىندەتتەرىنە، قازاقستان حالقىنا جولداۋىندا بەلگىلەنگەن ستراتەگيالىق ماقساتتارعا سايكەس ۇكىمەت 2025 جىلى جۇيەلى وزگەرىستەرگە باعىتتالعان ءىس-شارالار قابىلداعانىن اتاپ ءوتتى.