- ەگەر ءفيلمدى تولىق قاراپ شىقساڭىز، وندا، نەگىزگىنەن ۋكراينا تۋرالى ءسوز بولىپ جاتقانىن اڭعارۋعا بولادى. شاماسى، ەلدىڭ اتاۋىن تىكەلەي اتاماۋ كەرەك بولعاندىقتان، كوپتىك ماعىنادا ول ايتىلا باستادى، سودان كەيىن دە باسقا پوستكەڭەستىك رەسپۋبليكالاردىڭ ءارقايسىسى مۇنى وزىنە قاتىستىرىپ ويلاپ الىپ جاتقان سەكىلدى.
ءبىراق سول سۇقباتتان كەيىن باسپا ءسوز حاتشىسى بۇل ايتىلعان نارسەگە قاتىستى دەرەۋ تۇسىنىكتەمە بەرىپ، ءبىر تۇسىنبەستىكتىڭ الدىن الدى. ول رەسەيدىڭ ەشبىر رەسپۋبليكاعا تەرريتوريالىق ماسەلەدە ەشقانداي كىنارات تاعىپ، تالاپ قويمايتىنىن كەسىپ ايتتى.
ءىس جۇزىندە پرەزيدەنتتەر دە ادام بالاسى، سۇقبات بەرگەندە ويىن ءساتسىز جەتكىزىپ قالاتىن كەزى بولادى، وندايدا باسپا ءسوز حاتشىسى ونى تۇزەپ، قوعامداعى تۇسىنبەستىڭ الدىن الادى. بۇل قاراپايىم پراكتيكا. جالپى، ول فيلمدە ۋكراينا تۋرالى ايتىلىپ جاتقانى انىق، - دەپ جازدى قۇدايبەرگەنوۆ Facebook-تەگى پاراقشاسىندا.
ول قازاقستاننىڭ گەوگرافيالىق جاعدايى ۋكرايناعا قاراعاندا وزگەشە ەكەنىن، سوندىقتان رەسەي تەرريتوريالىق ماسەلەدە بىزگە ەشقانداي كىنارات تاعىپ، تالاپ قويا المايتىنىن ايتتى. ماسەلەن، بىزدە قارا تەڭىز فلوتى سياقتى داۋلى ستراتەگيالىق نىساندار جوق.
- ءتىپتى، رەسەي تاراپىنان تەرريتوريالىق ماسەلەگە قاتىستى قانداي دا ءبىر داۋ كوتەرىپ جاتسا، ولار ادەتتە سالماعى جوق ساياسات ساحناسىنداعى قويىلىمدى "ويناۋشىلار" نەمەسە ماريگينالدار بولىپ كەلەدى، ال ولارعا ءسوزدى دە، ۋاقىتتى دا شىعىنداپ قاجەتى جوق، - دەيدى ول.
"رەسەي. كرەمل. پۋتين" فيلمىندە ۆلاديمير پۋتين كونستيتۋسياعا ەنگىزىلگەن وزگەرتۋلەرگە تۇسىنىك بەرە وتىرىپ، كسرو رەسپۋبليكالارىنىڭ وداق قۇرامىنان شىعۋعا قۇقىعى بار بولعانىن، الايدا ول وداقتىق كەلىسىمدە كورسەتىلمەگەنىن ايتقان.
- كەڭەس وداعى قۇرىلعان كەزدە ودان شىعۋ قۇقىعى دا بەلگىلەندى، ءبىراق ونىڭ ءتارتىبى قۇجاتتا بەلگىلەنبەگەندىكتەن، وزدىگىنەن بۇل ارادا مىنانداي ماسەلە تۋىندايدى: ەگەر بەلگىلى ءبىر رەسپۋبليكا كەڭەس وداعىنىڭ قۇرامىنا كىرسە، ودان سوڭ ورىستاردىڭ سىيىن قوسا يەلەنسە، مىسالى ءداستۇرلى، تاريحي تەرريتوريالارىن، ورىس اۋماقتارىن دەگەندەي، ودان كەيىن وداقتان شىعۋ تۋرالى شەشىم قابىلداسا نە بولادى؟ وندا كەلگەن كەزدە قانداي، سونداي كۇيمەن كەتۋى كەرەك قوي، ورىس حالقى سىيىن قوسا الا كەتپەي، - دەدى ءسوز تالقىدا پۋتين.
كەلەسى كۇنى ءپۋتيننىڭ باسپا ءسوز حاتشىسى دميتريي پەسكوۆ رەسەيدىڭ كورشى مەملەكەتتەرگە قاتىستى ەشقانداي تەرريتوريالىق تالاپتارى جوق ەكەنىن ايتتى.
