مەملەكەت باسشىسى قاسىم-جومارت توقاەۆ بۇۇ ەرٸكتٸلەر باعدارلاماسىنىڭ اتقارۋشى ٷيلەستٸرۋشٸسٸ تويلي قۇربانوۆتى قابىلدادى, دەپ حابارلايدى dalanews.kz.
كەزدەسۋدە پرەزيدەنت قازاقستاننىڭ ۆولونتەرلٸك باستامالارىن قولداعانى جەنە استانادا ٶتٸپ جاتقان تمد ۆولونتەرلەر فورۋمىنا قاتىسقانى ٷشٸن تويلي كۋربانوۆقا العىس ايتتى.
قاسىم-جومارت توقاەۆ قازاقستاندا ۆولونتەرلٸك قوزعالىستى دامىتۋعا ەرەكشە كٶڭٸل بٶلٸنەتٸنٸن اتاپ ٶتتٸ. ونىڭ ايتۋىنشا, جاڭا كونستيتۋتسييادا ۆولونتەرلٸك قىزمەتتٸ ىنتالاندىرۋ العاش رەت كونستيتۋتسييالىق دەڭگەيدە بەكٸتٸلگەن.
«بٸز ەرٸكتٸلٸكتٸ مەملەكەتتٸك ساياسات تۇرعىسىنان شىنايى پاتريوتيزمنٸڭ جەنە جاستارعا كٶرسەتٸلەتٸن مەملەكەتتٸك قولداۋدىڭ كٶرٸنٸسٸ رەتٸندە قاراستىرامىز. مەنٸڭ باستاماممەن جاڭا كونستيتۋتسيياعا ۆولونتەرلٸك قاعيدالارى ەنگٸزٸلدٸ», - دەدٸ پرەزيدەنت.
مەملەكەت باسشىسىنىڭ ايتۋىنشا, حالىقارالىق ەرٸكتٸلەر جىلى اياسىندا قازاقستاندا مىڭنان استام ٸس-شارا ٶتكٸزٸلٸپ جاتىر. ەلدەگٸ ۆولونتەرلەر سانى 300 مىڭعا جۋىقتاعان.
قازٸر ۆولونتەرلٸك قوزعالىستى 2030 جىلعا دەيٸن دامىتۋ تۇجىرىمداماسى ەزٸرلەنٸپ جاتىر. سونىمەن قاتار ۆولونتەردٸڭ تسيفرلىق پاسپورتى ەنگٸزٸلٸپ, مەملەكەتتٸك قولداۋ تەتٸكتەرٸ مەن ٶڭٸرلٸك ينفراقۇرىلىمدى جەتٸلدٸرۋ جۇمىستارى جٷرگٸزٸلۋدە.
تويلي كۋربانوۆ قازاقستان مەن بۇۇ ەرٸكتٸلەر باعدارلاماسى اراسىندا جوعارى دەڭگەيدەگٸ ىنتىماقتاستىق ورناعانىن اتاپ ٶتٸپ, ۆولونتەرلٸك قوزعالىستى دامىتۋعا كٶرسەتٸپ وتىرعان قولداۋى ٷشٸن پرەزيدەنتكە العىس بٸلدٸردٸ.
«قازاقستان ۆولونتەرلٸك قىزمەت سالاسىندا ٷلكەن بيٸكتەردٸ باعىندىرعان بٸرەگەي ەل. قازاقستاننىڭ ەرٸكتٸلەر جىلىن جارييالاۋ جٶنٸندەگٸ باستاماسىن 60-تان استام مەملەكەت قولدادى. سٸزدەر جاھاندىق ترەند قالىپتاستىرىپ جاتىرسىزدار. «تازا قازاقستان» سيياقتى قوعامدىق اكتسييالارىڭىز بٸرقاتار ەلدە ٷلكەن قىزىعۋشىلىق تۋدىرۋدا», - دەدٸ بۇۇ ٶكٸلٸ.
