پرەزيدەنت قاسىم-جومارت توقاەۆ VIII شاقىرىلىم پارلامەنت دەپۋتاتتارىنىڭ جۇمىسىنا قورىتىندى جاساپ, ولاردىڭ ەلدەگٸ رەفورمالاردى جٷزەگە اسىرۋعا ەلەۋلٸ ٷلەس قوسقانىن مەلٸمدەدٸ, دەپ حابارلايدى dalanews.kz.
مەملەكەت باسشىسى پارلامەنت پالاتالارىنىڭ سوڭعى بٸرلەسكەن وتىرىسىندا دەپۋتاتتاردىڭ زاڭ شىعارۋ قىزمەتٸ مەن قوعاممەن بايلانىسىنا جوعارى باعا بەردٸ.
«VIII شاقىرىلىم جۇمىسى كەزەڭٸندە دەپۋتاتتار ەكٸ مىڭنان استام دەپۋتاتتىق ساۋال جولداپ, 30-دان استام ٷكٸمەت ساعاتىن جەنە توعىز پارلامەنتتٸك تىڭداۋ ٶتكٸزدٸ. ەكٸ پالاتانىڭ بەيٸندٸ كوميتەتتەرٸ بەلسەندٸ ەرٸ نەتيجەلٸ جۇمىس اتقاردى. بولاشاقتا بٸر پالاتالى قۇرىلتايعا كٶشۋگە بايلانىستى ونىڭ كوميتەتتەرٸنٸڭ قۇرىلىمى مەملەكەتتٸك ساياساتتىڭ نەگٸزگٸ باسىمدىقتارى مەن باعىتتارىن كٶرسەتۋٸ تيٸس», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, دەپۋتاتتار وسى جىلدار ٸشٸندە پارتييالىق جوبالار مەن ٶڭٸرلەرگە تۇراقتى ساپارلار ارقىلى ازاماتتارمەن تيٸمدٸ كەرٸ بايلانىس جٷيەسٸن قالىپتاستىردى.
«پارلامەنت بەدەلدٸ عالىمدار, ساراپشىلار جەنە ازاماتتىق قوعام بەلسەندٸلەرٸ ٷشٸن ناعىز پٸكٸر الماسۋ الاڭىنا اينالدى. بۇل بٸرەگەي زيياتكەرلٸك ەكوجٷيە سەنات جانىنداعى ساراپشىلار كلۋبى مەن مەجٸلٸس جانىنداعى قوعامدىق پالاتاعا سٷيەندٸ. ولار نەتيجەلٸ قوعامدىق ديالوگ ورناتۋعا جەنە زاڭ جوبالارىن جان-جاقتى ساراپتاۋعا ىقپال ەتتٸ», – دەدٸ مەملەكەت باسشىسى.
پرەزيدەنت سونداي-اق پارلامەنت قىزمەتٸ «زاڭ جەنە تەرتٸپ» قاعيداتىن مەملەكەتتٸك ساياساتتىڭ اجىراماس بٶلٸگٸنە اينالدىرۋعا ىقپال ەتكەنٸن اتاپ ٶتتٸ.
«سٸزدەر «ادال ازامات» تۇجىرىمداماسى مەن «تازا قازاقستان» جالپىۇلتتىق جوباسىن ٸلگەرٸلەتۋدە سانالى كٶشباسشىلىق تانىتتىڭىزدار. وسى باستامالاردىڭ ارقاسىندا قوعامدا جاڭا پروگرەسسيۆتٸ قوعامدىق ەتيكانىڭ نەگٸزٸ قالاندى. سونىمەن قاتار دەپۋتاتتىق كورپۋس قازاقستاننىڭ حالىقارالىق بەدەلٸن نىعايتۋعا دا قوماقتى ٷلەس قوستى. پارلامەنتارالىق اسسامبلەيالارداعى بەلسەندٸ جۇمىس, شەتەلدٸك ساپارلار مەن حالىقارالىق فورۋمدارعا قاتىسۋ ارقىلى زاڭ شىعارۋشىلارىمىز شەتەلدٸك ەرٸپتەستەرمەن جەنە حالىقارالىق ينستيتۋتتارمەن سەنٸمدٸ ەرٸ نەتيجەلٸ بايلانىس ورناتتى», – دەدٸ پرەزيدەنت.
قاسىم-جومارت توقاەۆ الداعى ۋاقىتتا باستى زاڭ شىعارۋشى ورگانعا اينالاتىن قۇرىلتاي وسى ينستيتۋتسيونالدىق تەجٸريبە مەن پارلامەنتتٸك مەدەنيەتتٸ ساقتاپ, دامىتۋى قاجەت ەكەنٸن ايتتى.
«ەلدٸڭ جوعارى ٶكٸلدٸ ورگانى ەدٸلەتتٸ قازاقستاندى بارشا ازاماتقا تەڭ مٷمكٸندٸك بەرەتٸن مەملەكەتتٸ قۇرۋعا شەشۋشٸ ٷلەس قوسۋى تيٸس. قۇرىلتاي ٶزٸنٸڭ جاۋاپتى زاڭ شىعارۋ ميسسيياسىن ابىرويمەن اتقارا وتىرىپ, قوعامىمىزدا زاڭ مەن تەرتٸپ, ەڭبەكقورلىق پەن پروگرەسس, تازالىق پەن تابيعاتقا جاناشىرلىق قاعيداتتارىن ورنىقتىرۋعا جان-جاقتى ىقپال ەتەدٸ دەپ سەنەمٸن», – دەدٸ مەملەكەت باسشىسى.
