مەملەكەت باسشىسى جۇمىس توبىمەن بٸرگە كونستيتۋتسييالىق رەفورماعا قاتىستى نەگٸزگٸ تەسٸلدەردٸ تالقىلادى, دەپ حابارلايدى Dalanews.kz.
استانادا پرەزيدەنت قاسىم-جومارت توقاەۆتىڭ قاتىسۋىمەن پارلامەنتتٸك رەفورما جٶنٸندەگٸ جۇمىس توبىنىڭ وتىرىسى ٶتتٸ.
جيىندا مەملەكەتتٸك كەڭەسشٸ ەرلان قارين پرەزيدەنتكە جۇمىس توبىنىڭ اتقارعان قىزمەتٸ تۋرالى بايانداپ, پارلامەنتتٸ ترانسفورماتسييالاۋعا قاتىستى ۇسىنىلىپ وتىرعان كونستيتۋتسييالىق ٶزگەرٸستەردٸڭ كٶلەمٸ اۋقىمدى ەكەنٸنە نازار اۋداردى.
مەملەكەتتٸك كەڭەسشٸ جۇمىس توبى مٷشەلەرٸنٸڭ ورتاق پٸكٸرٸن جەتكٸزٸپ, بۇل ٶزگەرٸستەر ساياسي جٷيەنٸ ۋاقىت تالابىنا ساي جاڭعىرتۋعا ىقپال ەتەتٸنٸن ايتتى.
پرەزيدەنتتٸڭ قۇقىقتىق مەسەلەلەر جٶنٸندەگٸ كٶمەكشٸسٸ ەرجان جيەنباەۆ ازاماتتاردان كەلٸپ تٷسكەن ۇسىنىستار نەگٸزٸندە كونستيتۋتسييالىق رەفورما جٶنٸندەگٸ جۇمىس توبى مٷشەلەرٸ ەزٸرلەگەن باستى تەسٸلدەر تۋرالى باياندادى.
بىلتىرعى قازان ايىنان بەرٸ ٶتٸپ كەلە جاتقان وتىرىستاردا جاڭا پارلامەنتكە قاتىستى مەسەلەلەردٸڭ بەرٸ قارالدى. ونىڭ ٸشٸندە دەپۋتاتتار سانى, ٶكٸلەتتٸك مەرزٸمدەرٸ, سايلاۋ تەرتٸبٸ, بٸر پالاتالى پارلامەنتتٸڭ زاڭ شىعارۋ تەتٸكتەرٸ, سونداي-اق ونىڭ بيلٸكتٸڭ ٶزگە ينستيتۋتتارىمەن ٶزارا ٸس-قيمىل مەسەلەلەرٸ قامتىلدى.
ساياسي جٷيەنٸ ودان ەرٸ رەفورمالاۋدىڭ ماڭىزى مەن مازمۇنىنا توقتالعان پرەزيدەنت ينستيتۋتسيونالدىق نەگٸزدٸ تەرەڭ جاڭعىرتۋ جەنە زاڭ شىعارۋشى بيلٸك تارماعىن جٷيەلٸ تٷردە قايتا فورماتتاۋ قاجەت ەكەنٸن ايتتى.
"ەرتەڭ ۇلتتىق قۇرىلتاي وتىرىسىندا مەن ەلٸمٸزدٸڭ تاعدىرىنا قاتىستى بۇل مەسەلە بويىنشا ناقتى پٸكٸرلەرٸمدٸ ايتامىن. ناقتىلاي ايتقاندا, ەلٸمٸزدٸڭ ساپالىق تۇرعىدان مٷلدەم جاڭا ساياسي تۇرپاتى قالىپتاسىپ جاتىر. پارلامەنتتٸك رەفورمانى جٷزەگە اسىرۋ ٷشٸن كونستيتۋتسييانىڭ بٸردەن بٸرنەشە بٶلٸمٸن قايتا قاراۋ قاجەت بولادى. سوندىقتان اتا زاڭىمىزعا وسىعان دەيٸن ەنگٸزٸلگەن ٶزگەرتۋلەردٸ ەسكەرسەك, جۇمىس توبى ۇسىنىپ وتىرعان تٷزەتۋلەر جوباسى قازاقستاننىڭ شىن مەنٸندە جاڭا كونستيتۋتسيياسى تۋرالى ايتۋعا مٷمكٸندٸك بەرەدٸ", – دەدٸ مەملەكەت باسشىسى.
