بۇگىن مەملەكەت باسشىسى ۇلتتىق قۇرىلتايدىڭ IV وتىرىسىندا كوتەرگەن باستامالاردى جۇزەگە اسىرۋ تۋرالى جوسپارعا قول قويدى، دەپ حابارلايدى Dalanews.kz.
53 تارماقتان تۇراتىن قۇجاتتى پرەزيدەنت اكىمشىلىگى ۇكىمەتپەن بىرلەسىپ ازىرلەدى.
مەملەكەت باسشىسىنىڭ گۋمانيتارلىق باستامالارىن جۇزەگە اسىرۋ ءۇشىن:
- «قازاقستان بالالارى» ءبىرىڭعاي باعدارلاماسىن ازىرلەۋ؛
- ىشكى ساياسات تۇجىرىمداماسىن ازىرلەۋ جانە بەكىتۋ؛
- ناشاقورلىققا جانە ەسىرتكى بيزنەسىنە قارسى كۇرەستىڭ 2026-2028 جىلدارعا ارنالعان جاڭا كەشەندى جوسپارىن قابىلداۋ،
- ۇلتتىق سيفرلىق ارحيۆ قۇرۋ؛
- بيزنەس وكىلدەرىن تارتا وتىرىپ ايماقتاردا تەاترلاردى سالۋ جانە دامىتۋ، سونداي-اق ۇلتتىق تەاترلارعا قولداۋ كورسەتۋ؛
- شەتەلدە اباي ينستيتۋتىن اشۋ؛
حالىقارالىق بيولوگيالىق ءارالۋاندىقتى قورعاۋ قورىن قۇرۋ قاراستىرىلعان.
الەۋمەتتىك-ەكونوميكالىق جوبالاردى ىسكە اسىرۋ ءۇشىن:
- «جايلى مەكتەپ» ۇلتتىق جوباسىن جۇزەگە اسىرۋدى جالعاستىرۋ، ءۇش جىلدا 1300 مەكتەپتى جاڭعىرتۋ؛
- ەرەكشە قاجەتتىلىگى بار ادامدارعا ارنالعان زاماناۋي وڭالتۋ ورتالىقتارىن اشۋ، ءاربىر وبلىس ورتالىعىندا ەرەكشە قاجەتتىلىگى بار بالالاردى وڭالتۋ جانە دامىتۋ ورتالىقتارىن قۇرۋ؛
- وڭىرلەردى دامىتۋ تۇجىرىمداماسىنا قاتىستى تىڭ تاسىلدەردى ەنگىزۋ؛
- 2025-2026 جىلدارى ءىرى ينفراقۇرىلىمدىق جوبالاردى جۇزەگە اسىرۋ، سونىڭ ىشىندە استانادان ارقالىق، تورعاي جانە ىرعىز ارقىلى ترانسكاسپيي حالىقارالىق كولىك دالىزىنە تۋرا شىعاتىن اۆتوكولىك جولىن سالۋ جانە جاڭعىرتۋ، ارقالىقتاعى اۋەجايدى قالپىنا كەلتىرۋ جانە جاڭا اەروۆوكزال كەشەنىن سالۋ؛
- الداعى ءتورت جىل ىشىندە ەلىمىزدە جىل سايىن 200-گە جۋىق ينۆەستيسيالىق جوبانى ىسكە قوسۋ جوسپارلانعان.
سونداي-اق شەكارا ماڭىنداعى اۋدانداردى دامىتۋ، عىلىم قالاشىقتارىن قۇرۋ، ەرەكشە قاجەتتىلىكتەرى بار بالالاردى كەشەندى قولداۋ، ۇكىمەتتىك ەمەس ۇيىمدار جانە مەملەكەتتىك الەۋمەتتىك تاپسىرىس تۋرالى جەكە زاڭدار قابىلدانادى.
