قاسىم-جومارت توقاەۆتىڭ Turkistan گازەتٸنە بەرگەن كٶلەمدٸ سۇحباتى جارييالاندى, دەپ حابارلايدى Dalanews.kz.
- جاڭا جىل قارساڭىندا كرەملدە تۇڭعىش پرەزيدەنت نۇرسۇلتان نازارباەۆ رەسەي باسشىسىمەن تاعى دا كەزدەستٸ. كرەملگە قاراستى اقپارات قۇرالدارى بۇل جايىندا كەڭٸنەن مەلٸمەت تاراتتى. كەزدەسۋ تۋرالى كٶپتەگەن پٸكٸر ايتىلىپ, ٶسەك-اياڭ ٶربٸدٸ. تٸپتٸ, قازاقستاندا 2029 جىلى بولاتىن بيلٸك ترانزيتٸ تۋرالى سٶز قوزعالىپتى, نازارباەۆ ۆلاديمير پۋتيننٸڭ تٸكەلەي قولداۋىمەن سول ٸستە ەڭ باستى رٶل اتقارعىسى كەلەدٸ ەكەن دەگەن الىپ-قاشپا ەڭگٸمە شىقتى. سٸز بىلتىرعى سۇحباتىڭىزدا تۇڭعىش پرەزيدەنت پارتييانىڭ ٸرٸ قايراتكەرٸ رەتٸندە كٶپ ۋاقىتىن ٶتكٸزگەن مەسكەۋدٸ ساعىناتىن بولار, سوندىقتان ول جاققا جيٸ بارادى دەپ تٷسٸندٸرگەن ەدٸڭٸز. دەگەنمەن, كٶپتەگەن ازامات سٸزدٸڭ وسىنداي سامميتتەرگە شىنايى كٶزقاراسىڭىزدى بٸلگٸسٸ كەلەدٸ.
– تۇراقتى تٷردە ٶتكٸزٸلٸپ جٷرگەن كەزدەسۋلەر بەيرەسمي سيپاتقا يە. مۇنى رەسەي پرەزيدەنتٸنٸڭ ٶزٸ دە اتاپ ٶتەدٸ. تاياۋدا ٶتكەن سانكت-پەتەربۋرگتەگٸ باسقوسۋدا ۆلاديمير پۋتين ماعان نۇرسۇلتان نازارباەۆتى ونىڭ ٶتٸنٸپ سۇراۋى بويىنشا قابىلدايتىنىن ايتقان ەدٸ.
رەسەي پرەزيدەنتٸنٸڭ ەرەكشەلٸگٸ: ول دوستارىمەن جەنە ەرٸپتەستەرٸمەن جىلى قارىم-قاتىناس قۇرا بٸلەدٸ. جۇمىسى ٶتە قاربالاس بولسا دا, سەنبٸ كٷنٸ قازاقستاننىڭ تۇڭعىش پرەزيدەنتٸمەن اسىقپاي ەڭگٸمەلەسۋگە ۋاقىتىن بٶلدٸ. ول نۇرسۇلتان نازارباەۆتى ەۋرازيياداعى ىقپالداستىق ٷدەرٸسٸنٸڭ باستاۋىندا تۇرعان تەجٸريبەلٸ ساياساتكەر رەتٸندە باعالايدى. رەسەي بۇل ٷدەرٸستە جەتەكشٸ رٶل اتقارىپ وتىر. كرەملدەگٸ كەزدەسۋ ۆلاديمير پۋتيننٸڭ ادامگەرشٸلٸگٸ جوعارى ەكەنٸن كٶرسەتەدٸ.
ونداي ەڭگٸمەلەر بارىسىندا نە ايتىلعانى ماعان قىزىق ەمەس, بۇل تۋرالى ەشقاشان سۇراق قويمايمىن.
ال, نۇرسۇلتان نازارباەۆتىڭ جەكە باسىنا كەلەر بولساق, مەن ونى قازٸرگٸ قازاق مەملەكەتتٸگٸنٸڭ نەگٸزٸن قالاعان تۇلعا دەپ سانايتىنىمدى بٸرنەشە رەت ايتتىم. ونىڭ مەملەكەتتٸك ينستيتۋتتاردى جەنە ەكونوميكانىڭ نارىقتىق تەتٸكتەرٸن قۇرۋ, جاڭا استانامىزدى سالۋ جولىنداعى ەڭبەگٸن بەرٸ بٸلەدٸ. ٶزٸڭٸزگە مەلٸم, بٸز قازاقستاندى ەدٸلدٸك, زاڭ جەنە تەرتٸپ ورناعان ەل ەتكٸمٸز كەلەدٸ. سوندىقتان, ەشكٸمدٸ الالاماي, ەر ازاماتتىڭ ەڭبەگٸن ەدٸل باعالاۋ كەرەك. بۇل ەلٸمٸزدٸڭ تۇڭعىش پرەزيدەنتٸ نۇرسۇلتان نازارباەۆقا دا قاتىستى.
– ال بيلٸك ترانزيتٸ تۋرالى نە ايتاسىز?
– بۇل جٶنٸندە سٶز قوزعاۋعا ەلٸ ەرتە, الدىمىزدا تاباندى جۇمىسقا تولى بٸرنەشە جىل بار.
