كسرو تاراعاننان كەيٸن وتىز جىل ٶتكەن سوڭ ۇلىبريتانييانىڭ ۇلتتىق ارحيۆٸندە قازاقستان پرەزيدەنتٸ قاسىم-جومارت توقاەۆ تۋرالى ايتىلعان قۇجاتتار قولجەتٸمدٸ بولدى. ولاردىڭ ٷزٸندٸلەرٸن ەزەربايجاندىق تاريحشى دجاميل گاسانلى جارييالادى, دەپ حابارلايدى dalanews.kz.
1994 جىلى قاسىم-جومارت توقاەۆ قازاقستاننىڭ سىرتقى ٸستەر مينيسترٸ بولىپ تاعايىندالعان كەزدە ۇلىبريتانييا سىرتقى ٸستەر مينيسترلٸگٸ ول تۋرالى ارنايى انىقتاما دايىنداعان.
قۇجاتتا توقاەۆتىڭ بٸلٸمٸ, شەت تٸلدەرٸن بٸلۋٸ, قىتاي مەن وڭتٷستٸك-شىعىس ازييا ەلدەرٸندەگٸ جۇمىس تەجٸريبەسٸ اتاپ ٶتٸلگەن.
"ۆەدومستۆو ول تۋرالى ٶتە قىزىقتى انىقتامالار دايىنداپ, جاقسى دايارلانعان مامان رەتٸندە سيپاتتاعان. بريتاندىقتاردىڭ بولجامى اقتالدى. بٷگٸندە توقاەۆ ٶز حالقىمەن ساناسپايتىن پوستكەڭەستٸك كەڭٸستٸكتەگٸ جەمقور جەنە اۆتوريتارلىق باسشىلاردان ايتارلىقتاي ەرەكشەلەنەدٸ", – دەپ جازدى گاسانلى.
قۇجاتتاردا توقاەۆتىڭ اقش, كانادا جەنە ٶزبەكستانعا بەلسەندٸ ساپار جاساعانى, شەتەلدٸك ەرٸپتەستەرٸمەن بايلانىس ورناتقانى جەنە قىتايمەن شەكارادا ەركٸن ەكونوميكالىق ايماقتار قۇرۋدى ۇسىنعانى دا كٶرسەتٸلگەن.
ەزەربايجاندىق تاريحشىنىڭ جازباسىنا ساياسي شولۋشى عازيز ەبٸشەۆ تە نازار اۋداردى.
ونىڭ ايتۋىنشا, جارييالانعان قۇجاتتىڭ ۇلىبريتانييانىڭ ساياسي باسشىلىعىنا ارنالىپ دايىندالعانىن بولجاۋعا بولادى.
"قۇجاتتاعى مەكەنجايعا قاراساق, ول ۇلىبريتانييانىڭ ساياسي باسشىلىعى ٷشٸن ەزٸرلەنگەن بولۋى مٷمكٸن. ٶيتكەنٸ داۋنينگ-ستريت, 10 مەكەنجايىندا پرەمەر-مينيستردٸڭ كەڭسەسٸ ورنالاسقان.
جالپى مۇنداي تەجٸريبە بەلسەندٸ ديپلوماتييالىق قىزمەتتەردٸڭ كٶپشٸلٸگٸنە تەن. ال ەلەمدٸك ىقپالعا ۇمتىلاتىن مەملەكەتتەردە, سونىڭ ٸشٸندە انگلوساكسون ەلدەرٸ, ولاردىڭ وداقتاستارى مەن قارسىلاستارىندا ۇلتتىق ەليتالاردى ساراپتاۋ جٷيەسٸ جاقسى جولعا قويىلعان", – دەپ جازدى ول.
