مەملەكەت باسشىسى قاسىم-جومارت توقاەۆ تسيفرلاندىرۋ دەۋٸرٸنٸڭ قاۋپٸ نەدە ەكەنٸن ايتتى, - دەپ حابارلايدى Dalanews.kz.
"قازٸر وسى سالانىڭ ينفراقۇرىلىمىن دامىتۋ ٷشٸن ناقتى شارالار قولعا الىندى. سۋپەركومپيۋتەر جاساۋعا قاتىستى جۇمىس جٷرگٸزٸلٸپ جاتىر. مەملەكەتتٸك ورگاندارمەن قاتار, عىلىمي قاۋىمداستىق پەن بيزنەس تە ونىڭ يگٸلٸگٸن كٶرەتٸن بولادى.
جاساندى ينتەللەكتٸنٸ دامىتۋ ٸسٸندە ەلدٸڭ كادرلىق ەلەۋەتٸ ماڭىزدى رٶل اتقارادى. سوندىقتان بٸلٸكتٸ مامانداردىڭ قاتارىن كٶبەيتۋ كەرەك. جوعارى وقۋ ورىندارى بۇل جۇمىسپەن مىقتاپ اينالىسۋى قاجەت. بٷگٸندە ەلەمنٸڭ جەتەكشٸ ۋنيۆەرسيتەتتەرٸنٸڭ بٸلٸم بەرۋ ٷدەرٸسٸندە پراكتيكاعا باسىمدىق بەرٸلەدٸ جەنە ستۋدەنتتەردٸڭ جاڭاشىلدىققا ۇمتىلىپ, ستارتاپتار ەزٸرلەۋٸنە جاعداي جاسالعان. ەلٸمٸزدٸڭ وقۋ ورىندارى وسىنداي ەدٸستەن ٷلگٸ الۋى كەرەك دەپ ويلايمىن.
ماشينالىق ٷيرەتۋدٸ دامىتۋ ماڭىزدى. بۇل ساراپتاما جاساۋ جەنە مۇقييات پىسىقتالعان شارالار قابىلداۋ ٷشٸن وزىق تەسٸلدەردٸ يگەرۋگە ىقپال ەتەدٸ. بٸراق اتالعان تەحنولوگييانى كەڭ كٶلەمدە ەنگٸزۋمەن قاتار مۇقييات زەردەلەۋدٸ جەنە جاۋاپكەرشٸلٸكتٸ قاجەت ەتەتٸن جاڭا سىن-قاتەرلەر دە پايدا بولادى. ەڭ الدىمەن, جاساندى ينتەللەكتٸنٸ دامىتۋ, قولدانۋ ٸسٸندە اشىقتىق پەن ەتيكاعا ساي بولۋ مەسەلەلەرٸنە باسا مەن بەرگەن جٶن.
ال دەرەكتەردٸڭ تاراپ كەتۋٸ ٶز الدىنا بٶلەك قاۋٸپ. تسيفرلاندىرۋ دەۋٸرٸندە مەلٸمەتتەر ساف "التىنعا" اينالادى. سوندىقتان ولاردى تولىققاندى قورعاۋ مەسەلەسٸنٸڭ ماڭىزى زور. بٷگٸننەن باستاپ كيبەرقاۋٸپسٸزدٸك سالاسىندا مامان دايارلاپ, وزىق زەرتتەۋ جۇمىستارىن جٷرگٸزۋ قاجەت.
جالپى قازٸر كٶز الدىمىزدا ەلەمدٸك ەكونوميكادا تەحنولوگييالىق تۇرعىدان ايتارلىقتاي ٶزگەرٸستەر ورىن الىپ جاتىر. عالامدىق دەڭگەيدە ەنەرگييانىڭ جاڭارتىلاتىن جەنە بالامالى تٷرلەرٸن كٶبٸرەك پايدالانۋعا نەگٸزدەلگەن قۋات كٶزٸنە كٶشۋ قارقىن الدى", - دەدٸ توقاەۆ.
توقاەۆ تسيفرلاندىرۋ دەۋٸرٸنٸڭ قاۋپٸ نەدە ەكەنٸن ايتتى
inbusiness.kz
