Toqaev tsifrlandyrý dáýiriniń qaýpi nede ekenin aitty

Memleket basshysy Qasym-Jomart Toqaev tsifrlandyrý dáýiriniń qaýpi nede ekenin aitty, - dep habarlaidy Dalanews.kz.

"Qazir osy salanyń infraqurylymyn damytý úshin naqty sharalar qolǵa alyndy. Sýperkompiýter jasaýǵa qatysty jumys júrgizilip jatyr. Memlekettik organdarmen qatar, ǵylymi qaýymdastyq pen biznes te onyń igiligin kóretin bolady.

Jasandy intellektini damytý isinde eldiń kadrlyq áleýeti mańyzdy ról atqarady. Sondyqtan bilikti mamandardyń qataryn kóbeitý kerek. Joǵary oqý oryndary bul jumyspen myqtap ainalysýy qajet. Búginde álemniń jetekshi ýniversitetteriniń bilim berý úderisinde praktikaǵa basymdyq beriledi jáne stýdentterdiń jańashyldyqqa umtylyp, startaptar ázirleýine jaǵdai jasalǵan. Elimizdiń oqý oryndary osyndai ádisten úlgi alýy kerek dep oilaimyn.

Mashinalyq úiretýdi damytý mańyzdy. Bul saraptama jasaý jáne muqiiat pysyqtalǵan sharalar qabyldaý úshin ozyq tásilderdi igerýge yqpal etedi. Biraq atalǵan tehnologiiany keń kólemde engizýmen qatar muqiiat zerdeleýdi jáne jaýapkershilikti qajet etetin jańa syn-qaterler de paida bolady. Eń aldymen, jasandy intellektini damytý, qoldaný isinde ashyqtyq pen etikaǵa sai bolý máselelerine basa mán bergen jón.

Al derekterdiń tarap ketýi óz aldyna bólek qaýip. Tsifrlandyrý dáýirinde málimetter saf "altynǵa" ainalady. Sondyqtan olardy tolyqqandy qorǵaý máselesiniń mańyzy zor. Búginnen bastap kiberqaýipsizdik salasynda maman daiarlap, ozyq zertteý jumystaryn júrgizý qajet.

Jalpy qazir kóz aldymyzda álemdik ekonomikada tehnologiialyq turǵydan aitarlyqtai ózgerister oryn alyp jatyr. Ǵalamdyq deńgeide energiianyń jańartylatyn jáne balamaly túrlerin kóbirek paidalanýǵa negizdelgen qýat kózine kóshý qarqyn aldy", - dedi Toqaev.