مەملەكەت باسشىسى قاسىم-جومارت توقايەۆ ۇلتتىق قۇرىلتاي وتىرىسىندا سويلەگەن سوزىندە قىزىلوردا وبلىسىنىڭ اكىمى نۇرلىبەك نالىبايەۆتىڭ ەڭبەگىن جوعارى باعالادى، دەپ حابارلايدى Dalanews.kz.
"ءقازىر قىزىلوردا وبلىسىندا، اسىرەسە، الەۋمەتتىك سالادا جاقسى جاڭالىق كوپ. ءۇش جىلدا وسى ايماقتا 34 ءبىلىم بەرۋ، 45 مادەنيەت جانە سپورت نىسانى سالىندى. بۇعان قوسا، 40 مەديسينا نىسانى اشىلدى. مەنىڭ تاپسىرماممەن قىزىلوردادا 300 ورىنعا ارنالعان كوپ بەيىندى اۋرۋحانانىڭ قۇرىلىسى باستالدى. كوپ ۇزاماي 500 ورىندىق ەمحانا جانە 200 ورىندىق پەرزەنتحانا سالىنادى. ءبىر سوزبەن ايتقاندا، قىزىلوردا وبلىسى بارلىق سالادا قارقىندى دامىپ جاتىر. وبلىستىڭ جاعدايى جالپى جاقسى دەپ كۇمانسىز ايتۋعا بولادى. بۇل – اكىم نۇرلىبەك نالىبايەۆتىڭ بەلسەندى، تاباندى جۇمىسىنىڭ ناتيجەسى"، - دەدى توقايەۆ.
ايتا كەتەيىك، قىزىلوردادا مەملەكەت باسشىسى قاسىم-جومارت توقايەۆتىڭ توراعالىعىمەن ۇلتتىق قۇرىلتايدىڭ V وتىرىسى ءوتىپ جاتىر.
