توقايەۆ قازاقتىڭ جۇمساق كۇشىنە سۇيەنەدى

ساعىنىش سارداروۆا 31 مام. 2024 17:13 3142

مەملەكەت باسشىسى قاسىم-جومارت توقايەۆ قازاقتىڭ "جۇمساق كۇشى" دەگەن ءسوزدىڭ ءمانى مەن ماڭىزىنا توقتالدى، - دەپ حابارلايدى Dalanews.kz.

"ستراتەگيالىق باعدارىمىز قازاقستاننىڭ مەملەكەتتىلىگىن نىعايتۋعا جانە حالىقتىڭ تۇرمىسىن جاقسارتۋعا باعىتتالعان. ەلىمىزدىڭ بارلىق ازاماتى، اسىرەسە جاستار مۇنى جاقسى ءتۇسىنۋى كەرەك جانە رەفورمالاردان شەت قالماعانى ابزال.

بۇگىنگى جاس ۇرپاق جاڭعىرۋ ۇدەرىستەرىنە اتسالىسىپ، ەلىمىزدە جۇرگىزىلىپ جاتقان رەفورمالاردىڭ يگىلىگىن تولىق سەزىنۋى قاجەت. دارىندى، تالاپتى جانە ەڭبەكقور جاستار، ونىڭ ىشىندە عالىمدار – زاماناۋي قازاقستاننىڭ جارقىن كەلبەتى. جاس ءارى تەرەڭ ءبىلىمدى ازاماتتار – ۇلتىمىزدىڭ باستى كاپيتالى جانە قوعامداعى وڭ وزگەرىستەردىڭ قوزعاۋشى كۇشى.

حالقىمىز قاشاندا جاڭاشىلدىققا قۇشتار بولعان. ءاردايىم بىلىمگە، شىعارماشىلىققا جانە جاسامپازدىققا ۇمتىلعان، بىرلىك پەن ىنتىماقتى تۋ ەتكەن. بۇگىندە حالقىمىزدىڭ جوعارى ءبىلىم دەڭگەيى، وزىق ويلاۋ جۇيەسى، ازاماتتاردىڭ جاۋاپكەرشىلىگى، كوپ ءتىلدى جەتىك مەڭگەرۋى جانە مادەني ءارالۋاندىلىعى ۇلتتىق بىرەگەيلىگىمىز بەن قازاقتىڭ "جۇمساق كۇشى" دەيتىن ۇعىمنىڭ نەگىزىن قۇرايدى. مۇنىڭ ءبارىن ءبىر اۋىز سوزبەن قازاقتىڭ "جۇمساق كۇشى"، ياعني "soft power" دەۋگە بولادى"، - دەدى پرەزيدەنت.


ۇسىنىلعان
سوڭعى جاڭالىقتار