مەملەكەت باسشىسى قاسىم-جومارت توقاەۆ قازاقستان ۇلتتىق قۇراماسىن VI دٷنيەجٷزٸلٸك كٶشپەندٸلەر ويىندارىندا تابىستى ٶنەر كٶرسەتۋٸمەن قۇتتىقتادى, دەپ حابارلايدى dalanews.kz.
پرەزيدەنت وسىناۋ جوعارى نەتيجەگە سپورتشىلارىمىز تايسالماس تاباندىلىقتىڭ, جانقييارلىق ەڭبەك پەن مۇقالماس ەرٸك-جٸگەردٸڭ ارقاسىندا جەتكەنٸن اتاپ ٶتتٸ.
مەملەكەت باسشىسى چەمپيوندار مەن جٷلدەگەرلەرگە, باپكەرلەر قۇرامىنا جەنە بارشا ماماندارعا شىنايى ريزاشىلىعىن جەتكٸزٸپ, مۇنداي ەرەن جەتٸستٸكتەر قازاقستاننىڭ ۇلتتىق سپورت تٷرلەرٸ دامىعان ەل رەتٸندە حالىقارالىق بەدەلٸن اسقاقتاتا تٷسەتٸنٸن ايتتى. قاسىم-جومارت توقاەۆ سپورتشىلارىمىزدىڭ ەڭ بەدەلدٸ سايىستاردا بيٸك بەلەستەردٸ باعىندىرا بەرۋٸنە تٸلەكتەستٸك بٸلدٸردٸ.
ايتا كەتەيٸك, قازاقستان قۇراماسى 31 تامىز بەن 6 قىركٷيەك ارالىعىندا قىرعىزستاندا ٶتكەن VI دٷنيەجٷزٸلٸك كٶشپەندٸلەر ويىندارىنا قاتىسقان بولاتىن. ويىندار قورىتىندىسى بويىنشا قازاقستاندىق سپورتشىلار 74 مەدال جەڭٸپ الدى. ونىڭ ٸشٸندە 32 التىن, 20 كٷمٸس جەنە 22 قولا جٷلدە بار. جالپىكوماندالىق ەسەپتە 30 التىن مەدال يەلەنگەن قىرعىزستان ەكٸنشٸ ورىنعا, جەتٸ التىن جٷلدەسٸ بار رەسەي ٷشٸنشٸ ورىنعا تۇراقتادى.
قازاقستاندىق سپورتشىلار اۋدارىسپاق, جامبى اتۋ, قازاق كٷرەسٸ, الىش, ارمرەستلينگ, ارقان تارتىس, توعىزقۇمالاق, مانگالا, دەستٷرلٸ ساداق اتۋ, ات جارىسى جەنە باسقا دا ۇلتتىق سپورت تٷرلەرٸنەن جەڭٸمپاز جەنە جٷلدەگەر اتاندى.
VI دٷنيەجٷزٸلٸك كٶشپەندٸلەر ويىندارىنا 113 ەلدەن 3 مىڭعا جۋىق سپورتشى قاتىستى.
