مەملەكەت باسشىسى قاسىم-جومارت توقايەۆ بواو ازيا فورۋمىنىڭ ءححىىى سەسسياسىندا قازاقستان مەن قىتايدىڭ تاۋار اينالىمى بويىنشا تاريحي رەكوردتىق كورسەتكىشكە جەتكەنىن جاريالادى، دەپ حابارلايدى Dalanews.kz.
قازىرگى كەزدە قازاقستان قىتايدىڭ ورتالىق ازياداعى نەگىزگى ساۋدا-ەكونوميكالىق سەرىكتەسىنە اينالدى.
"قىتايدىڭ ايماقتاعى ساۋدا-ساتتىعى مەن سالعان ينۆەستيسياسىنىڭ تەڭ جارتىسى قازاقستاننىڭ ۇلەسىنە تيەسىلى. بىلتىر قازاقستان مەن جۇڭگو اراسىنداعى تاۋار اينالىمى 41 ميلليارد اقش دوللارىن قۇرادى. بۇل – تاريحي رەكوردتىق كورسەتكىش"، - دەدى توقايەۆ.
بىلتىر ەكى ەل اراسىنداعى جۇك تاسىمالى 22 پايىزعا ارتىپ، شامامەن 30 ميلليون تونناعا جەتتى. وسى ورايدا پرەزيدەنت قحر ءتوراعاسى سي ءسزينپيننىڭ "ءبىر بەلدەۋ، ءبىر جول" اۋقىمدى مەگاجوباسىن ون جىلدان استام ۋاقىت بۇرىن قازاقستانعا جاساعان ساپارى كەزىندە تانىستىرعانىن دا ەسكە الدى. اتالعان جوبا شىعىس پەن باتىس اراسىنداعى نەگىزگى كوپىر قىزمەتىن اتقارادى، ال قىتايدان ەۋروپاعا قۇرلىق جولىمەن تاسىمالداناتىن جۇكتىڭ 80 پايىزى قازاقستان اۋماعى ارقىلى وتەدى.
"بۇل ماڭىزدى ارتىقشىلىقتى ءبىز تولىققاندى پايدالانۋعا ءتيىسپىز. ءبىزدىڭ ءوز ينۆەستيسيامىز دا "ءبىر بەلدەۋ، ءبىر جول" باستاماسىمەن ستراتەگيالىق تۇرعىدان ساباقتاس ءارى زاماناۋي، مۋلتيمودالدى، ەكولوگيالىق تۇرعىدان ءقاۋىپسىز جانە ورنىقتى ينفراقۇرىلىم قۇرۋعا باعىتتالعان"، – دەدى پرەزيدەنت.
قاسىم-جومارت توقايەۆ قازاقستاننىڭ ەكونوميكالىق كورسەتكىشتەرىن دە تانىستىردى. بىلتىر ەلىمىزدىڭ ەكونوميكالىق ءوسىمى 5،1 پايىزدى قۇرادى. بۇل الەمدىك ەكونوميكانىڭ بولجامدى دامۋ قارقىنىنان شامامەن ەكى ەسە كوپ. 2029 جىلعا قاراي ونىڭ كولەمىن ەكى ەسە ۇلعايتۋدى جوسپارلانعان.
"قازاقستانداعى اشىق ەسىك ساياساتى، مول رەسۋرستار جانە ليبەرالدى نارىقتىق رەفورمالار كوپتەگەن شەتەلدىك، سونىڭ ىشىندە قىتايلىق كومپانيالاردىڭ دا نازارىن اۋداردى. وسى ورايدا ءبىز ازيالىق سەرىكتەستەرىمىزدى ەكونوميكامىزعا ينۆەستيسيا قۇيۋعا، ءوزارا ءتيىمدى ىنتىماقتاستىقتىڭ جاڭا باعىتتارىن قاراستىرۋعا شاقىرامىز"، – دەدى توقايەۆ.
ايتا كەتەرى، بواو ازيا فورۋمى جىل سايىن قىتايدىڭ حاينان پروۆينسياسىندا ءوتىپ تۇرادى. بيىلعى 23ء-شى باسقوسۋ "ازيا جانە الەم: ورتاق سىن-قاتەرلەر، ورتاق جاۋاپكەرشىلىك" تاقىرىبىنا ارنالاپ وتىر. ال قازاقستان پرەزيدەنتى وعان قۇرمەتتى قوناق رەتىندە شاقىرىلدى.
