بەلگىلى جۋرناليست، «قازاق ادەبيەتى» گازەتىنىڭ باس رەداكتورى داۋرەن قۋات پارلامەنت ءماجىلىسىنىڭ دەپۋتاتى ەدىل ءجاڭبىرشيننىڭ مەملەكەت باسشىسىنىڭ بەدەلىنە نۇقسان كەلتىرىپ جاتقان ەكى كادرلار مەن ەكونوميكاعا كىرىپ العان «پارازيتتەر» جونىندەگى ويلارىنا قاتىستى پىكىر ءبىلدىردى.

بۇل تۋرالى Dalanews.kz حابارلايدى.

ول ءماجىلىس دەپۋتاتىنىڭ كەشەگى ويلارى مەن سوزدەرىن ەرلىككە تەڭەپ، ەكسى كادرلاردىڭ توقايەۆقا ساوتتاج جاساپ جاتقانىن، ولاردىڭ تۇپكى ويلارى پرەزيدەنتتى ورىننان ءتۇسىرۋ ەكەنىنە ەش كۇمانبايتىنىن ايتتى.

سونىمەن بىرگە ول توقايەۆتىڭ دا سابوتاجنيكتەرگە سوققى بەرە الاتىنىن، ول تەك كۇش جىگەرى مەن كاسىبي شەبەرلىگىن ۇرىمتال ساتتە پايدالانۋعا دايىن وتىرعانىن اتاپ ءوتتى.

"ماڭگى...(لىك) ماجىلىسىمىزدەگى دەپۋتاتتاردىڭ اراسىندا ەدىلدەي ەر بار ەكەن. جاڭبىرشين. سول ەدىل باتىر ءبىر ءسوزدى انىق ايتتى. سابوتاج. نۇرشۋاققا شومىلعان بۇرىنعىنىڭ ءبارى، راس، قاڭتاردان كەيىنگى قازاقستانعا قارسىلىق جاساپ باعۋدا. مۇمكىن بولسا، ولار جاڭا قازاقستاندى جارعا يتەرىپ جىبەرۋدەن ەش تايىنبايدى. وكىنىشتىسى سول، ولاردىڭ ءبارىن «قولىنان جەتەكتەپ وتىرىپ» (ن. ن.) تۇرمەگە توعىتۋ ازىرگە مۇمكىن بولماي تۇر. ال، مەملەكەت باسشىسى سابوتاجشىلاردىڭ ىسىنە سابىرمەن قاراپ وتىر. «وزگەرسىن، جاڭا زامانعا بەت بۇرسىن، ەلگە ادال قىزمەت جاساسىن» دەيدى. ولاي بولمايدى ەكەن، قاسكەڭ سابوتاجنيكتەردى ايامايدى. كورەسىزدەر!"، –  دەدى ول.

بۇعان دەيىن حابارلانعانداي، ءماجىلىس دەپۋتاتى الەۋمەتتىك جەلىدەگى پاراقشاسىندا كوپتىڭ كوڭىلىندەگى پروبلەمالارعا توقتالىپ، ونى شەشۋدىڭ بىرنەشە جولىن ۇسىندى.

ول ەسكى جۇيەگە ۇيرەنىپ قالعان شەنەۋنىكتەر جاڭا جاعدايعا بەيىمدەلە الماي جاتقانىن، ءالى كۇنگە دەيىن ەكونوميكانى «جاۋلاپ» العان وليگارحتار كەتپەگەنىن، سول باياعى «وركەش مايدى» سورىپ، تەك ءبىر سحەمادان ەكىنشى سحەماعا اۋىسقانىن ايتىپ، ەكى كادرلار مەن ەكونوميكاعا كىرىپ العان «پارازيتتەردىڭ» حالىق الدىندا پرەزيدەنتتىڭ بەدەلىن ءتۇسىرىپ وتىرعانىن ايتقان ەدى.

https://dalanews.kz/sadak/80787-smayylov-bilikting-barlyq-tarmagyna-zh