پرەزيدەنت قاسىم-جومارت توقاەۆ مەملەكەتتٸك تۋ كٶتەرۋ رەسٸمٸنە قاتىستى, - دەپ حابارلايدى Dalanews.kz.
قاسىم-جومارت توقاەۆ ۇلىق مەرەكە – رەسپۋبليكا كٷنٸنە ارنالعان مەملەكەتتٸك تۋ كٶتەرۋ سالتاناتتى رەسٸمٸنە قاتىستى. ٸس-شارا «اقوردا» رەزيدەنتسيياسىنىڭ الدىندا ٶتتٸ.
قۇرمەت قاراۋىلىنىڭ باستىعى پرەزيدەنتكە راپورت بەردٸ. بۇدان كەيٸن قاسىم-جومارت توقاەۆتىڭ بۇيرىعىمەن مەملەكەتتٸك تۋ كٶتەرٸلٸپ, ەنۇرانىمىز شىرقالدى.
بارشاعا بەلگٸلٸ, مەملەكەت باسشىسى رەسپۋبليكا كٷنٸنە وراي ٶتكەن سالتاناتتى جيىندا سٶيلەگەن سٶزٸندە ەلٸمٸزدٸڭ ەگەمەندٸگٸ تۋرالى دەكلاراتسييا قابىلدانعان بۇل كٷندٸ قاسيەتتٸ تەۋەلسٸزدٸگٸمٸزدٸڭ باستاۋى دەپ باعا بەرگەن بولاتىن.
ۇلتتىق مەرەكەنٸ رەسپۋبليكا بويىنشا رەسمي تٷردە اتاپ ٶتۋ وسى سالتاناتتى شارادان باستالدى. سونىمەن قاتار قازاقستاننىڭ بارلىق ٶڭٸرٸندە مەملەكەتتٸك تۋ كٶتەرۋ رەسٸمٸ ٶتەدٸ.
